ཏོག་དབྱིབས་རྐྱེན་གྱིས་སྨོན་ལམ་ཆེན་མོ་ཚོགས་ཁག་པོ་ཆགས་ཀྱི་ཡོད་འདུག

ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ཀྱི་རྐྱེན་གྱིས་བཀའ་བརྒྱུད་སྨོན་ལམ་ཆེན་མོ་འདི་ལོར་དྲ་ལམ་བརྒྱུད་འཚོག་འཆར་ཡོད་པའི་ཡོངས་ཁྱབ་གསལ་བསྒྲགས་གནང་འདུག ཟླ་འདིའི་ཕྱི་ཚེས་  ༢༠ ཉིན་བཀའ་བརྒྱུད་སྨོན་ལམ་ཆེན་མོས་ཐེབས་རྩ་ཁང་ནས། འདི་ལོ་འཛམ་གླིང་ཡོངས་དང་ལྷག་ཏུ་རྒྱ་གར་ནང་ཏོག་དབྱིབས་གཉན་རིམས་ཤུགས་ཆེར་ཁྱབ་བཞིན་ཡོད་སྟབས། དཔལ་རྒྱལ་བ་ཀརྨ་པ་རིན་པོ་ཆེ་མཆོག་གི་བཀའ་དགོངས་བཞིན། ལོ་ལྟར་གནས་མཆོག་རྡོ་རྗེ་གདན་དུ་ཚོགས་སྲོལ་ཡོད་པའི་བཀའ་བརྒྱུད་སྨོན་ལམ་ཆེན་མོ་ལོ་རྗེས་མའི་བར་དུ་ཕྱིར་འགྱངས་གནང་ཡོད་པའི་གསལ་བསྒྲགས་གནང་འདུག དེ་འབྲེལ་གསལ་བསྒྲགས་ནང་། མཉམ་མེད་འགྲོ་མགོན་བཀའ་བརྒྱུད་པའི་དགོན་སྡེ་དང་ཆོས་ཚོགས་ཁག་གིས་གཙོས་དད་ལྡན་སེར་སྐྱ་ཡོངས་ལ། འདི་ལོ་ཆེས་ཁྱབ་གདལ་ཕྱིན་པའི་ཏོག་དབྱིབས་ནད་ཡམས་རྐྱེན་པས། འཛམ་གླིང་སྤྱི་དང་ཡང་སྒོས་སུ་མ་ཡུམ་རྒྱ་གར་བཅས་ལ་ཕར་ཚུར་འགྲུལ་བཞུད་མི་ཐུབ་པར་མ་ཟད། དཀའ་རྙོག་དང་ཉེན་ཁ་ཇེ་ཆེ་རུ་འགྲོ་བཞིན་ཡོད་པར་བརྟེན།  དཔལ་རྒྱལ་དབང་ཀརྨ་པ་མཆོག་གི་བཀའ་དགོངས་དང་ལམ་སྟོན་གཞིར་བཟུང་སྟེ། སྟོན་པ་ཐུབ་པའི་དབང་པོའི་གནས་མཆོག་རྡོ་རྗེ་གདན་དུ་ལོ་ལྟར་འཚོགས་བཞིན་པའི་བཀའ་བརྒྱུད་སྨོན་ལམ་ཆེན་མོ་ལོ་རྗེས་མ་བར་ཕྱིར་འགྱངས་བྱས་ཡོད་སྐོར་བཀོད་འདུག  ཡང་གསལ་བསྒྲགས་ནང་། བསྟན་པ་ཡུན་གནས་དང་སེམས་ཅན་འདས་གསོན་ཡོངས་ཀྱི་སླད། གདན་ས་རུམ་བཏེག་གྲྭ་ཚང་སངྒ་འདུས་སྤྱིས་གཙོ་བོའམ་སྣེ་ཁྲིད་པ་གནང་ནས། འདི་ལོའི་བཀའ་བརྒྱུད་སྨོན་ལམ་ཆེན་མོ་དྲྭ་ལམ་བརྒྱུད་ནས་འཚོགས་ཐབས་ལ་འབད་བརྩོན་བྱེད་བཞིན་ཡོད་པས། རྣམ་པ་ཚོ་དྲྭ་ཐོག་ཏུ་མཉམ་ཞུགས་ཐུབ་པའི་རེ་ཞུ་དང་སྦྲགས། འདི་ལོར་ཏོག་དབྱིབས་ནད་ཡམས་དེའི་རྐྱེན་པས་གནས་མཆོག་རྡོ་རྗེ་གདན་དུ་བཀའ་བརྒྱུད་སྨོན་ལམ་ཆེན་མོ་གོ་སྒྲིག་ཞུ་ཐབས་བྲལ་བར་ཡིད་འགྱོད་ཚད་མེད་ངང་སྙིང་ནས་བཟོད་གསོལ་ཞུ་བཞིན་ཡོད་སྐོར་དང་།  དྲ་ལམ་བརྒྱུད་འཚོག་འཆར་ཡོད་པའི་སྨོན་ལམ་ཆེན་མོའི་དྲྭ་ཚིགས་དང་དུས་ཚོད་རྗེས་སུ་དུས་ཐོག་ཏུ་ངོ་སྤྲོད་བྱ་རྒྱུ་ཡིན་སྐོར་གསུངས་འདུག   ལོ་རེའི་བོད་ཟླ་ ༡༢ ཡས་མས་སུ་གནས་མཆོག་རྡོ་རྗེ་གདན་སོགས་སུ།  བོད་ཀྱི་ཆོས་བརྒྱུད་ཆེན་མོ་ཁག་ནས་སྨོན་ལམ་ཆེན་མོ་ཚོགས་སྲོལ་ཡོད་ཀྱང་། འདི་ལོར་ཏོག་དབྱིབས་གཉན་རིམས་ཀྱི་རྐྱེན་གྱིས་འགྲོ་སྐྱོད་དང་ལྷག་པར་དུ་སེར་སྐྱེ་འཕོན་ཆེན་འདུ་འཛོམས་བྱེད་པར་ནད་ཡམས་འགོས་ཁྱབ་ཀྱི་ཉེན་ཁ་ཆེན་པོ་ཡོད་སྟབས། འདི་གའི་གསར་འགོད་པས་ཞལ་པར་བརྒྱུད་འབྲེལ་ཡོད་ལ་བཀའ་འདྲི་ཞུས་པ་ལྟར་ན། ༧དཔལ་ས་སྐྱའི་སྨོན་ལམ་ཆེན་མོ་ཚོགས་གནང་རྒྱུ་ཡིན་མིན་ཐད་ད་ལྟའི་ཆར་གསལ་བསྒྲགས་རིགས་གང་ཡང་གནང་མེད་པ་དང་།  སྔ་འགྱུར་རྙིང་མའི་སྨོན་ལམ་གོ་སྒྲིག་ཚོགས་ཆུང་ལ་ཞལ་པར་མཐུད་ཐུབ་མ་སོང་།  དེ་བཞིན་དགེ་ལུགས་སྨོན་ལམ་ཆེན་མོའི་སྐོར་ལ་འབྲས་སྤུངས་སྒོ་མང་མཁན་རིན་པོ་ཆེར་བཀའ་འདྲི་ཞུས་པར་ཁོང་གིས།...

སློབ་གསོ་བ་ཆེན་མོ་རྡོ་དགོན་གསང་བདག་རྡོ་རྗེ་ལཊ་སྐུ་གྲོངས།

བོད་གཞུང་དགའ་ལྡན་ཕོ་བྲང་གི་རྩིས་ཁང་དུ་ཕྱག་ལས་གནང་མྱོང་ཞིང་བོད་ལྗོངས་སློབ་གྲྭ་ཆེན་མོའི་སློབ་དཔོན་ཆེན་མོ་ཡིག་མཁན་གྲགས་ཅན་རྡོ་དགོན་གསང་བདག་རྡོ་རྗེ་ལགས་སྐུ་གྲོངས་ཡོད་འདུགཁ་སང་བོད་ནང་གི་དགོང་མོའི་ཆུ་ཚོད་ ༡༡ ཙམ་གྱི་སྟེང་། དེ་སྔ་བོད་གཞུང་དགའ་ལྡན་ཕོ་བྲང་གི་རྩིས་ཁང་དུ་ཕྱག་ལས་གནང་མྱོང་ཞིང་། ཕྱིས་སུ་བོད་ནང་གི་སློབ་གསོའི་བྱ་བཞག་ཐོག་མཛད་རྗེས་ཆེན་པོ་བཞག་ཡོད་པའི་བོད་ལྗོངས་སློབ་གྲྭ་ཆེན་མོའི་སློབ་དཔོན་ཆེན་མོ་རྡོ་དགོན་གསང་བདག་རྡོ་རྗེ་ལགས་དགུང་གྲངས་ ༧༥ སྟེང་སྐུ་གྲོངས་ཡོད་འདུག  སློབ་དཔོན་ཆེན་མོ་རྡོ་དགོན་གསང་བདག་རྡོ་རྗེ་ལགས་ནི་བོད་ཀྱི་སློབ་གསོའི་ཐད་བྱས་རྗེས་ཆེ་བའི་མི་སྣ་གལ་ཆེན་ཞིག་ཡིན་ལ། ཁོང་གིས་ད་བར་སློབ་ཁྲིད་ཀྱི་ཞོར་དུ་ཞིབ་འཇུག་གི་ཕྱག་ལས་གནང་སྟེ་དཔེ་དེབ་མང་པོ་བརྩམས་ཡོད་པ་རེད། ཁོང་གིས་སྙན་ངག་གི་སློབ་དེབ་《མིག་ཡིད་རྣ་བའི་དགའ་སྟོན་》དང་།《བོད་ཀྱི་སྤྱི་སྐད་སློབ་དེབ།》བོད་རྒྱ་དབྱིན་གསུམ་ཤན་སྦྱར་གྱི་《ཞེ་སའི་ལག་དེབ་བློ་གསར་དགའ་སྟོན།》《བོད་ཀྱི་ཡུལ་སྲོལ་རྣམ་བཤད་》བཅས་དང་།《བྱིས་སྒྲུང་གྲགས་ཅན་ལྔ་》ཞེས་པའི་བསྒྱུར་རྩོམ་ཞིག་བཅས་དཔེ་དེབ་དང་དཔྱད་རྩོམ་ཡང་མི་ཉུང་བ་ཞིག་བརྩམས་ཡོད་པ་མ་ཟད། བཅད་ལྷུག་སྤེལ་གསུམ་གྱི་སྒྱུ་རྩལ་བརྩམས་ཆོས་ཡང་མང་པོ་ཞིག་བོད་ཁུལ་གྱི་དུས་དེབ་ཁག་ནང་སྤེལ་ཡོད་པ་དང་། རྒྱ་ཆེའི་ཀློག་པ་པོ་མང་པོས་དགའ་བསུ་ཆེན་པོ་ཐོབ་མྱོང་ཡོད་ལ། ཁོང་གི་ཆེས་ཉེ་བའི་བརྩམས་ཆོས་ནི་《མཛའ་བཅུག་གི་མི་ཚེ་》ཞེས་པ་དེ་ཡིན་འདུག  རྡོ་དགོན་གསང་བདག་རྡོ་རྗེ་ལགས་ཀྱིས་ཕྱི་ལོ་ ༢༠༠༠ ལོར་བོད་ལྗོངས་སློབ་གྲྭ་ཆེན་མོའི་དགེ་རྒན་ཆེན་མོའི་མཚན་གནས་བཞེས་ཡོད་པ་དང་། བོད་ལྗོངས་སློབ་གྲྭ་ཆེན་མོའི་རིག་གཞུང་སློབ་གླིང་གི་དགེ་རྒན་ཆེན་མོ་དང་། ཞིབ་འཇུག་སློབ་མའི་སློབ་དཔོན། དེ་བཞིན། རིག་གཞུང་སློབ་གླིང་གི་བོད་སྐད་ཡིག་རྩོམ་རིག་གི་རྒྱལ་ཁབ་རིམ་པའི་སློབ་གསོའི་རུ་ཁག་གི་སྣེ་ཁྲིད་པ་དང་། བོད་ལྗོངས་རིག་རྩལ་ལྷན་ཚོགས་ཀྱི་གདན་ཞུས་ཞིབ་འཇུག་པ་ཡིན་པ་མ་ཟད། ཕྱི་ལོ་ ༢༠༠༦ ལོར་རྒྱལ་ཁབ་དང་ཞིང་ཆེན་རིམ་པའི་གྲགས་ཅན་དགེ་རྒན་གྱི་མཚན་གནས་ཐོབ་ཡོད་ལ། ཁོང་གིས་མི་ལོ་ ༥༠ ཙམ་རིང་སློབ་གསོའི་བྱ་གཞག་ཁོ་ནའི་ཐོག་ལྷག་བསམ་རྣམ་དག་དང་འབད་པ་ལྷོད་མེད་ཀྱིས་སློབ་མ་གྲངས་ལས་འདས་པ་གསོ་སྐྱོང་གནང་ཡོད་འདུག  རྡོ་དགོན་གསང་བདག་རྡོ་རྗེ་ལགས་ནི་ཕྱི་ལོ་...

རྒད་པོ་འཁར་ཚུགས་དང་རྒན་མོ་བསམ་ཚུགས་ཀྱི་གདམས་ངག

ཁྲོ་བོ་དཔལ་འབར། དུས་རབས་བརྒྱད་པའི་ནང་སློབ་དཔོན་པདྨ་འབྱུང་གནས་བོད་ཡུལ་བྲག་པོ་ཆེའི་དབེན་རྩར་ལོ་གཅིག་བཞུགས་ཏེ་ཕེབས་ཁར། དགུང་ལོ་དྲུག་ཅུར་ཉེ་བ་རྔོག་ཤེས་རབ་རྒྱལ་པོ་ཞེས་པས་སློབ་དཔོན་ལ་གསེར་སྲང་གི་མཎྜལ་བཏེགས་ནས། བདག་ཐོས་པ་དང་ཤེས་རབ་ཆུང་། ན་སོ་རྒས་པས། གོ་སླ། སྒྲོ་འདོགས་ཆོད། ལྟ་ཁམས་ཆེ། ཉམས་སུ་བླང་སླ་བ། རྒད་པོ་འཆི་ཁའི་གདམས་ངག་ཅིག་གནང་འཚལ་ཞེས་ཞུས་པས། སློབ་དཔོན་གྱིས་རྒད་པོའི་སྙིང་གར་ཕྱག་འཁར་བཙུགས་ཏེ་གདམས་པ་ཞིག་ལ་རྒད་པོ་འཁར་ཚུགས་ཀྱི་གདམས་ངག་ཅེས་བརྗོད་ཅིང་། གདམས་ངག་དེས་སྐྱེ་བོའི་ཚོགས་ཇི་འདྲའི་མང་པོ་ཞིག་ལ་ཐར་བའི་བཙན་ས་ཟིན་དུ་བཅུག་ཡོད་པ་མིན་ནམ། ཁ་སང་དེ་རིང་གི་སྤྱི་ཚོགས་དྲ་ལམ་གྱི་གླེང་གཞི་གཙོ་བོ་ཞིག་ནི་རྒན་མོ་ལོ་བརྒྱད་ཅུ་ཡལ་ནས་དགུ་བཅུར་ཟིན་ཉེ་བ་ཞིག་གི་བསམ་ཚུགས་པའི་གཏམ་དེ་རེད། ཁོང་གིས་ཚོགས་ཟུར་སྐུ་ངོ་སྤེན་པ་ཚེ་རིང་མཆོག་ཕ་ལྷ་མགྲོན་གཉེར་ཆེན་མོ་ཐུབ་བསྟན་འོད་ལྡན་དང་མཚུངས་དཔེར་བཀོད་སོང་། ཕ་ལྷ་མགྲོན་གཉེར་ཆེན་མོ་སུ་ཞིག་ཡིན་ནམ། ཁོང་ནི་ (1910-1985) དེ་སྔ་བོད་དུ་རྩེ་ཡིག་ཚང་གི་ལས་བྱ་ཆེ་མ་ཆུང་གསུམ་ནས་ཐེག་པ་རིམ་འཛེགས་དང་། ༸གོང་ས་མཆོག་གསང་ཐབས་ཀྱི་སྒོ་ནས་རྒྱ་གར་ལ་གདན་`ཞུ་གནང་ཕྱོགས་ཞིབ་ཕྲའི་འཆར་འགོད་པ་དང་། བཙན་བྱོལ་ནང་སུད་སི་དང་ཡོ་རོབ་དོན་གཅོད། ནང་སྲིད་བཀའ་བློན་སོགས་རིམ་པར་གནང་མྱོང་མཁན་སྐུ་ཚེ་ཧྲིལ་པོར་༸གོང་ས་མཆོག་གི་བཀའ་དགོངས་འོག་ཤར་བསྐྱོད་དང་། བོད་བསྟན་སྲིད་མི་རིགས་ཆེད་ཞབས་ཞུ་ཧུར་ཐག་གནང་མྱོང་བའི་གཞུང་ཞབས་དགའ་ལྡན་ཕོ་བྲང་གི་མགྲོན་གཉེར་ཆེན་མོ་མཐའ་མ་དེ་རེད།  ཁོང་ནི་ཐུགས་གཤིས་བཟང་ཞིང་། དྲང་ཚུགས་ལྡན་པ།  དགོངས་པ་ཟབ་པ། སྙིང་སྟོབས་ཆེ་བ། ལངས་ཕྱོགས་བརྟན་པའི་ཕུལ་བྱུང་གི་གཞུང་ཞབས་སྲི་ཞུ་བ་ཞིག་ཡིན་པ་ལོ་རྒྱུས་ཀུན་ཏུ་གསལ་ཡོད་པ་ལྟར་རེད། རྨོ་མོ་བསམ་ཚུགས་ཅན་དེས་ད་དུང་འདི་ལྟར། ཁོ་མོས་ཕྱི་ལོ་ ༢༠༡༦ ནས་ཚོགས་ཟུར་སྐུ་ངོ་སྤེན་པ་ཚེ་རིང་ལ་རྒྱབ་སྐྱོར་བྱས་པ་དང་།...

པདྨ་ཚེ་བརྟན་ལགས་ཀྱི་རྒྱ་ཡིག་བརྩམས་སྒྲུང་ལ་བྱ་དགའ་ཐོབ།

བོད་ཀྱི་གློག་བརྙན་འཁྲབ་གཞུང་རྩོམ་པ་པོ་དང་འཁྲབ་འཁྲིད་པ་གྲགས་ཅན་པདྨ་ཚེ་བརྟན་ལགས་ཀྱི་རྒྱ་ཡིག་བརྩམས་སྒྲུང་ཨོ་རྒྱན་གྱི་སོ་ཞེས་པར་ལོ་འཁོར་གྱི་བྱ་དགའ་ཐོབ་འདུགཟླ་འདིའི་ཕྱི་ཚེས་ ༢༠ ཉིན་རྒྱ་ནག་གི་གྲོང་ཁྱེར་ཧྥོ་ཧྲན་ནང་ ༢༠༢༠ ལོའི་ལྷོ་ཕྱོགས་རྩོམ་རིག་བྱ་དགའ་ཆེན་མོ་སྤྲོད་པའི་མཛད་སྒོ་ཞིག་ཚོགས་ཡོད་པ་དང་། མཛད་སྒོའི་ཐོག་བོད་ཀྱི་གློག་བརྙན་འཁྲབ་ཁྲིད་པ་གྲགས་ཅན་པདྨ་ཚེ་བརྟན་ལགས་ཀྱི་རྒྱ་ཡིག་གི་སྒྲུང་གཏམ་ཧྲགས་བསྡུས་ཨོ་རྒྱན་གྱི་སོ་ཞེས་པ་དེར་ལོ་འཁོར་གྱི་བརྩམས་སྒྲུང་པ་ཞེས་པའི་བྱ་དགའ་ཐོབ་ཡོད་འདུག  ༢༠༢༠ ལོའི་ལྷོ་ཕྱོགས་རྩོམ་རིག་བྱ་དགའ་ཆེན་མོའི་མཛད་སྒོའི་ཐོག་ལོ་འཁོར་གྱི་བརྩམས་སྒྲུང་པ་དང་ལོ་འཁོར་གྱི་སྙན་ངག་པ། ལོ་འཁོར་གྱི་ལྷུག་རྩོམ་པ་དང་ལོ་འཁོར་གྱི་རྩོམ་རིག་དཔྱད་བརྗོད་པ། ལོ་འཁོར་གྱི་འཇོན་ནུས་ལྡན་པའི་རྩོམ་མཁན་གསར་པ་བཅས་ཀྱི་བྱ་དགའ་སྤྲད་ཡོད་འདུག་ལ། པདྨ་ཚེ་བརྟན་ལགས་ཀྱི་ཕྱི་ལོ་ ༢༠༡༩ ལོའི་བརྩམས་སྒྲུང་གསར་པ་ཨོ་རྒྱན་གྱི་སོ་ཞེས་པ་ནི་ཁོང་གི་ཉེ་བའི་བརྩམས་སྒྲུང་ ༡༣ ཧྲགས་བསྡུས་བྱས་པ་ཞིག་ཡིན་ཞིང་། བརྩམས་སྒྲུང་དེ་དག་གི་ནང་ར་བཟི་བ་དང་བླ་མ། ཤན་པ་དང་དགེ་རྒན། ལུག་རྫི་སོགས་ཀྱི་མི་སྣ་རྣམས་འབྲི་བཞེངས་སྣ་ཚོགས་པའི་སྒོ་ནས་བྱས་ཏེ། པདྨ་ཚེ་བརྟན་ལགས་ཀྱི་ཉིན་རེའི་འཚོ་བའི་ནང་མཐོང་ཆོས་སུ་གྱུར་པའི་མི་སྣ་དག་གི་ཁྱད་ཆོས་འབུར་དུ་ཐོན་པའམ། དངོས་ཡོད་ཀྱི་བོད་ཡུལ་ཞིག་གསོན་ཉམས་ལྡན་པའི་ངང་མཚོན་པར་བྱས་ཡོད་འདུག  བྱ་དགའ་སྤྲོད་པའི་མཛད་སྒོའི་ཐོག་པདྨ་ཚེ་བརྟན་ལགས་ཀྱིས། ཏཱ་ཧྥང་ (大方) དཔེ་སྐྲུན་ཁང་གིས་ངའི་བརྩམས་སྒྲུང་ཨོ་རྒྱན་གྱི་སོ་ཞེས་པ་དེ་པར་བསྐྲུན་བྱས་ཡོད་པར་བརྟེན། མི་མང་པོ་ཞིག་གིས་ངས་རྩམ་སྒྲུང་དེ་ཇི་ལྟར་བྲིས་ཡོད་མེད་ཤེས་ཡོད་པ་རེད། ངའི་བསམ་པར་མ་འོངས་པར་རང་ཉིད་ཀྱིས་བརྩམས་སྒྲུང་འབྲི་མཚམས་མི་འཇོག་པ་ལྟ་བུ་ཞིག་རེད།...

རྒྱལ་ཁབ་ཀྱི་གསང་བ་རྐུ་འཁྱེར་བྱས་པའི་དོཊ་གཞིའི་འོག་གསར་འགོད་པ་ཞིག་འཛིན་བཟུང་བྱས།

རྒྱ་གར་རྒྱལ་ཁབ་ཀྱི་གསང་བ་རྐུ་འཁྱེར་བྱས་པའི་དོཊ་གཞིའི་འོག་རྒྱ་གར་གྱི་གསར་འགོད་པ་ཞིག་དང་རྒྱ་མོ་ཞིག་བཅས་མི་གསུམ་འཛིན་བཟུང་བྱས་ཡོད་འདུགཟླ་འདིའི་ཕྱི་ཚེས་  ༡༩ ཉིན།  རྒྱ་གར་རྒྱལ་ས་ལྡི་ལིའི་ཉེན་རྟོག་པས་རྒྱ་གར་གྱི་རྒྱལ་སྲུང་བདེ་འཇགས་དང་དམག་དཔུང་གི་གནས་ཚུལ་དང་འབྲེལ་བའི་གསང་བའི་ཡིག་ཆ་རིགས་རྒྱ་ནག་ལ་མཁོ་སྤྲོད་བྱས་པའི་དོགས་གཞིའི་འོག  རང་དབང་གསར་འགོད་པའི་ལས་ཀ་བྱེད་བཞིན་པའི་མིང་ལ་རཱ་རྗི་ཝི་ཤར་མ་(Rajeev Sharma)ཞེས་པའི་རྒྱ་གར་གྱི་སྐྱེས་པ་ཞིག་དང་།  ཁོའི་གསང་བའི་ཡིག་ཆ་དག་ལ་ལྐོག་དངུལ་སྤྲོད་མཁན་རྒྱ་མོ་ཆིན་ཧྲི་(Qing shi)ཟེར་བ་དང་། བལ་ཡུལ་གྱི་ཡུལ་མི་རཱ་ཇི་བྷ་རཱ་(Raj Bohra)ཟེར་བ་ཞིག་བཅས་འཛིན་བཟུང་བྱས་ཏེ་འདྲི་རྩད་བྱེད་བཞིན་ཡོད་འདུག་ལ། རཱ་རྗི་ཝི་ཤར་མ་ཟེར་བ་དེས་༧གོང་ས་མཆོག་གི་སྐོར་སོགས་ལ་དཀྲོག་གཏམ་རིགས་སྤེལ་ཏེ་ལྐོག་རྔན་བླངས་ཡོད་སྐོར་ཡང་བརྗོད་འདུག  དེ་འབྲེལ་གནས་ཚུལ་སྐོར་ལ་ལྡི་ལི་ཉེན་རྟོག་དཔོན་གཞོན་པ་སན་ཇི་ཝི་ཀུ་མར་ཡཱ་ཌ་ཝི་(Sanjeev Kumar Yadav)ལགས་ཀྱིས། འདྲི་རྩད་དང་ཞིབ་བཤེར་བྱས་པ་བརྒྱུད་རཱ་ཇི་ཤར་མ་ཡིས་རྒྱ་གར་གཞུང་གི་ཚོར་བ་སྐྱེན་པ་དང་གསང་བ་དང་འབྲེལ་བའི་ཡིག་ཆ་རིགས་རྒྱ་ནག་གི་གསང་བའི་ལས་ཁུངས་སོགས་ལ་སྤྲད་ཡོད་པ་མ་ཟད། ཁོའི་གློག་ཀླད་དང་སྡོད་གནས་ནས་རྒྱ་ནག་ལ་སྤྲད་པའི་རྒྱ་གར་བདེ་སྲུང་ལས་ཁུངས་དང་བདེ་སྲུང་བློན་ཆེན་གྱི་ཡིག་ཆ་རིགས་ལག་སོན་བྱུང་ཡོད་སྟབས། རྒྱལ་ཁབ་ཀྱི་གསང་བའི་ཡིག་ཆ་ཕྱིར་གྱར་དུ་བཅུག་པའི་ཉེས་ཁྲིམས་འོག་འཛིན་བཟུང་བྱས་ཡོད་སྐོར་དང་། ཁོ་ལ་འདྲི་ཞིབ་གཟབ་ནན་བྱས་ཏེ་ནག་ཉེས་ར་འཕྲོད་བྱུང་ན་ལོ་ ༡༤ ཡི་བཙོན་འཇུག་ཉེས་ཆད་ཕོག་སྲིད་སྐོར་བརྗོད་འདུག  དེ་བཞིན་རྒྱ་གར་(ANI) གསར་ཁང་གིས་སྤེལ་བའི་གནས་ཚུལ་ནང་།  རཱ་རྗི་ཝི་ཤར་མ་ཡིས་རྒྱ་ནག་ལ་གསང་བ་མཁོ་སྤྲོད་བྱས་པར་རྒྱ་ནག་གཞུང་གིས་རྒྱ་མོ་ཆིན་ཧྲི་བརྒྱུད་ཧིན་སྒོར་ས་ཡ་ ༣  ལྷག་སྤྲད་ཡོད་པ་དང་།  རྒྱ་མོ་དེ་དང་བལ་ཡུལ་གྱི་མི་དེ་གཉིས་ཀྱིས་རྒྱ་གར་ནང་དངུལ་སྒོར་བརྗེ་ལེན་གྱི་ཁེ་གཉེར་བཟོ་གྲྭ་ཞིག་བཙུགས་ཏེ།...

བཀའ་ཡིག་རྫུན་བཟོའི་རིགས་ལ་ཡིད་གཟབ་དགོས།

སྤྱི་ཚོགས་དྲ་ལམ་དུ་བཀའ་ཡིག་རྫུན་མ་སྤེལ་བ་དེར་ཕོ་བྲང་ནས་གསལ་བསྒྲགས་གནང་སྟེ་རྫུན་བཟོ་དེ་རིགས་མ་འོངས་པལའང་ཡོང་སྲིད་པས་ཚང་མས་ཐུགས་གཟབ་གནང་དགོས་སྐོར་གསུངས་འདུག  ཁ་སང་ཕྱི་ཚེས་ ༢༠ ཉིན་སྤྱི་ཚོགས་བརྒྱུད་ལམ་ཁག་ཏུ། ༧གོང་ས་རྒྱལ་བ་རིན་པོ་ཆེ་མཆོག་གི་མཚན་ཐོག་ལ་བཀའ་ཡིག་རྫུན་མ་ཞིག་བཟོས་ཏེ། ཕྱི་ལོ་ ༢༠༢༡ ལོའི་སྲིད་སྐྱོང་གི་འོས་མིའི་ནང་ལབ་གླེང་རྩོད་གཞི་ཡོད་པ་ཞིག་མི་ཡོང་བར་བོད་མི་ཚང་མས་འགན་འཁུར་ཧུར་ལེན་དགོས་སྐོར་བསྒྲགས་པ་དེར། དེ་རིང་དགའ་ལྡན་ཕོ་བྲང་ནས་གསལ་བསྒྲགས་ཤིག་གནང་སྟེ། བཀའ་ཡིག་ཕྱག་རྟགས་སོགས་རྫུན་བཟོ་བྱས་ཏེ་མང་ཚོགས་ལ་མགོ་སྐོར་གཏོང་མཁན་རེ་ཟུང་ཡོང་གི་ཡོད་པས། ཚང་མས་སྤྱང་གྲུང་དང་ཚོར་སྣང་སྐྱེན་པོས་ཐུགས་གཟབ་གནང་དགོས་སྐོར་གསུངས་འདུག དེ་ཡང་ཕོ་བྲང་གི་གསལ་བསྒྲགས་ནང་། སྤྱིར་ཡིག་འཁྱམ་ཁག་ལ་ལན་འདེབས་བྱེད་དགོས་མེད་ཀྱང་། ལས་ཤོག་དང་སྦུག་ཐམ་རྫུན་མའི་དབང་གིས་རྒྱུས་མངའ་མེད་པ་རྣམས་མགོ་བོ་རྨོངས་ཉེན་ཡོད་པ་མ་ཟད། འདི་གར་འདྲི་རྩད་བྱེད་མཁན་ཡང་ས་ཁུལ་གང་ས་ནས་མང་དག་ཅིག་ཡོང་བཞིན་པར་བརྟེན། དོགས་སེལ་གསལ་བསྒྲགས་ཤིག་དགོས་གལ་མཐོང་བས་གསལ་བཤད་ཞུ་རྒྱུར། བཀའ་ཡིག་རྫུན་མ་དེ་བཞིན་༧གོང་ས་མཆོག་གི་བཀའ་ཡིག་མིན་པར་རྫུན་གཏམ་ཁོ་ན་ཡིན་པ་མ་ཟད། ༧གོང་ས་མཆོག་ལ་མཚན་ཤས་དང་བོད་མིའི་མཐུན་སྒྲིལ་ལ་གནོད་གཞིའི་དམིགས་ཡུལ་ངན་བཅངས་ཡིན་པ་ཤིན་ཏུ་གསལ་བས་སུས་ཀྱང་ཡིད་ཆེས་གནང་དགོས་མེད། ཅེས་གསུངས་འདུག ཡང་གསལ་བཤད་ནང་། ༧གོང་ས་མཆོག་གིས་ཕྱི་ལོ་ ༢༠༡༡ ལོར་ནས་ཆབ་སྲིད་ཀྱི་ཐུགས་འགན་ཅམ་བཞག་གནང་བ་ནས་བཟུང་བོད་མིའི་ཆབ་སྲིད་ཀྱི་ལས་རིམ་ནང་ཐེ་བྱུས་གནང་གི་མེད་པ་ཀུན་གྱིས་མཁྱེན་གསལ་དང་། དེ་སྔོན་ཡང་བཀའ་ཡིག་ཕྱག་རྟགས་ལྗགས་རྩོམ་སོགས་རྫུན་བཟོས་ཀྱིས་མང་ཚོགས་ལ་མགོ་སྐོར་གཏོང་ཐབས་བྱེད་མཁན་རེ་ཟུང་བྱུང་ཡོད་ཅིང་། ད་ལན་ཡང་གནས་ཚུལ་འདི་བཞིན་བྱུང་བ་དང་། འབྱུང་འགྱུར་ཡང་འདི་རིགས་ཡོང་སྲིད་ན། མང་ཚོགས་ནས་སྤྱང་གྲུང་དང་ཚོར་སྣང་སྐྱེན་པོས་ཐུགས་གཟབ་གནང་དགོས།...

སྤྱི་འཐུས་རྒྱུན་ལས་ཀྱིས་བཅའ་ཁྲིམས་ལ་འགལ་འཛོལ་བྱུང་བ།

ཞང་བློན།  ཕྱི་ལོ་ ༢༠༢༠ ཟླ་ ༨ ཚེས་ ༡༧ ཉིན་སྐབས་བཅུ་དྲུག་པའི་གྲོས་ཚོགས་ཚོགས་དུས་བཅུ་པ་དེ་བཞིན་བཙན་བྱོལ་བོད་མིའི་བཅའ་ཁྲིམས་དོན་ཚན་༦ པ་དང་། དོན་ཚན་ ༤༩ པའི་ནང་གསེས་ ༢ པའི་དགོངས་དོན་ལྟར་འཕར་འགྱངས་བྱ་རྒྱུའི་གསལ་བསྒྲགས་གནང་ཡོད། དེ་ནི་ཁྲིམས་སྒྲིག་གི་དགོངས་དོན་དཔྱིས་ཕྱིན་མ་རྟོགས་པར་རང་འགར་ཐག་གཅོད་གནང་བའི་བྱས་ཉེས་ཤིག་ཡིན། གྲོས་ཚོགས་ཚོགས་དུས་བཅུ་པ་འཕར་འགྱངས་གནང་དགོས་པའི་རྒྱུ་མཚན་ཐད་སྤྱི་འཐུས་ཚོགས་གཙོ་པདྨ་འབྱུང་གནས་ལགས་ཀྱིས། རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ ༡༩ རྐྱེན་པས་འཛམ་གླིང་ཁྱོན་ཡོངས་ཀྱི་གནས་སྟངས་ཉིན་རེ་ནས་ཉིན་རེ་བཞིན་ཆེས་ཛ་དྲག་ཏུ་འགྱུར་བཞིན་ཡོད་པ་དང་། ལྷག་པར་དུ་དྷ་སའི་ས་གནས་ནི་༸རྒྱལ་བའི་བཞུགས་སྒར་ཡིན་སྟབས་གང་ཅིའི་ཐད་འགན་ཁུར་བྱ་དགོས་པ་དང་། གྲོས་ཚོགས་ཚོགས་པའི་དབང་དུ་བཏང་ནའང་རྒྱལ་སྤྱིའི་འགྲུལ་བཞུད་སྒོ་རྒྱ་བསྡམས་པའི་རྐྱེན་གྱིས་འགྲོ་འོང་དཀའ་ངལ་གྱི་ཕྱོགས་ནས་རྒྱ་གར་ལས་གཞན་པའི་ཕྱི་རྒྱལ་དུ་ཡོད་པའི་སྤྱི་འཐུས་མང་ཆེ་བ་ཕེབས་མི་ཐུབ་པ་དང་། རྒྱ་གར་ནང་ནས་ཀྱང་སྤྱི་འཐུས་ཅི་ཙམ་ཕེབས་ཐུབ་ཀྱི་ཡོད་མེད་རྟོགས་ཐབས་དཀའ་བའི་གནས་སྟངས་བཅས་ཀྱི་ཆ་ནས་ཐེངས་འདིའི་ཐག་གཅོད་མ་བྱས་ཐབས་མེད་བྱུང་སྐོར་དང་། ཕྱི་ཟླ་ ༩ པའི་གྲོས་ཚོགས་འཚོགས་རྒྱུ་མིན་ནའང་།...

གངས་སྐྱིད་ཀྱི་ལས་བྱེད་ཁྲོད་གཉན་རིམས་འགོས་པ་གཅིག་ཀྱང་མེད་འདུག

བོད་མིའི་སྒྲིག་འཛུགས་ཀྱི་ལྟེ་གནས་གངས་སྐྱིད་དུ་ཡུལ་མི་གཉིས་ལ་ཏོག་དབྱིབས་གཉན་རིམས་ཕོག་ཡོད་ཀྱང་བོད་རིགས་ལས་བྱེད་ཚོའི་ནང་དུ་གཉན་རིམས་འགོས་པ་གཅིག་ཀྱང་མེད་པའི་བརྟག་འབྲས་བཏོན་འདུགཉེ་ཆར་བོད་མིའི་སྒྲིག་འཛུགས་ཀྱི་ལྟེ་གནས་གངས་ཅན་སྐྱིད་གཤོངས་སུ་ཡོད་པའི་རྒྱ་གར་ཀཱ་ནཱ་རཱ་དངུལ་ཁུང་གི་ལས་བྱེད་གཉིས་ལ་ཏོག་དབྱིབས་ནད་རྟགས་ཐོན་པ་དང་བསྟུན། ཁེ་ཉིན་ཕྱི་ཚེས་ ༡༩ ཉིན་ལས་བྱེད་དེ་དང་འབྲེལ་འདྲིས་བྱུང་བའི་བོད་མིའི་སྒྲིག་འཛུགས་ཀྱི་ལས་བྱེད་ ༤༡ དང་གཞན་མི་ ༥ ལ་བརྟག་དཔྱད་བྱས་པ་བརྒྱུད། ཁ་སང་རྟགས་འབྲས་ཐོན་པ་ལྟར་ན། ལས་བྱེད་དེ་ཚོ་ཚང་མར་ཏོག་དབྱིབས་གཉན་རིམས་འགོས་མེད་ཀྱང་།  ནད་པ་དང་འབྲེལ་འདྲིས་བྱུང་བ་རྣམས་མུ་མཐུད་ཉིན་གྲངས་ ༡༤ རིང་རང་ཁྱིམ་དུ་ཟུར་སྡོད་གནང་དགོས་པའི་ལམ་སྟོན་གནང་ཡོད་འདུག དེ་རིང་འདི་གའི་གསར་འགོད་པས་ཞལ་པར་བརྒྱུད་བོད་མིའི་སྒྲིག་འཛུགས་ཀྱི་ཝུ་ཧན་ཏོག་དབྱིབས་གཉས་རིམས་ཛ་དྲག་ངལ་སེལ་ཚོགས་ཆུང་གི་ཚོགས་གཙོ་སྨན་པ་ཚེ་རིང་མཚམས་གཅོད་ལགས་སུ་དེའི་སྐོར་དྲིས་པར་ཁོང་མོས།  ཟླ་འདིའི་ཕྱི་ཚེས་ ༡༤ ཉིན་ཀཱ་ནཱ་རཱ་དངུལ་ཁང་གི་ཡུལ་མི་ལས་བྱེད་གཉིས་ལ་ནད་གཞི་ཕོག་པ་ར་འཕྲོད་བྱུང་བ་དང་འབྲེལ། འཕྲོད་བསྟེན་ལས་ཁུངས་ཀྱི་གངས་སྐྱིད་ཁུལ་གྱི་རྟོག་ཞིབ་ཚོགས་ཆུང་ངོས་ནས་ཀཱ་ནཱ་རཱ་དངུལ་ཁང་གི་ལས་བྱེད་དང་འབྲེལ་འདྲིས་བྱུང་མཁན་ཚང་མར་ཞིབ་རྩད་བྱས་ཏེ། ཁེ་ཉིན་རེས་གཟའ་སྤེན་པ་ཉིན་མི་གྲངས་ ༤༦ ལ་ནད་རྟགས་ཡོད་མེད་བརྟག་དཔྱད་བྱས་པ་རེད། ཅེས་དང་། ད་ཐེངས་བརྟག་དཔྱད་ནང་འབྲེལ་འདྲིས་བྱུང་བ་རྣམས་ལ་ནད་རྟགས་ཐོན་མེད་ཀྱང་། དེ་སྔའི་ལམ་སྟོན་གཞིར་བཟུང་མུ་མཐུད་ཟུར་བཀག་དུ་གནས་དགོས་ཀྱི་ཡོད་སྐོར་བརྗོད་བྱུང་།  བཞུགས་སྒར་དྷ་སའི་ཁུལ་གྱི་ཟུར་བཀག་གནས་སྟངས་སྐོར་དྲིས་པར་ཁོང་མོས།  ད་ལྟའི་ཆར་བོད་མིའི་སྒྲིག་འཛུགས་ཀྱི་སྣེ་ལེན་ཁང་དུ་ཟུར་བཀག་ཏུ་ཡོད་པའི་བོད་མི་ ༣༥ ཚུད་པའི་བཞུགས་སྒར་དྷ་ས་ཁུལ་དུ་ཁྱོན་བོད་མི་ ༩༣ ཟུར་བཀག་ཏུ་གནས་མུས་ཡིན་པ་དང་། སྒྲིག་འཛུགས་ཀྱི་ཟུར་བཀག་ཁང་དུ་ཡོད་པའི་བོད་མི་རྣམས་ཉིན་དྲུག་དང་བདུན་ནང་ཚུད་དུ་བརྟག་དཔྱད་བྱས་རྗེས། གལ་ཏེ་ནད་རྟགས་མེད་པའི་བརྟག་འབྲས་ཐོན་ཚེ། ལྷག་འཕྲོ་བདུན་གཅིག་ལྷག་རིང་རང་ཁྱིམ་དུ་ཟུར་བཀག་བྱེད་དགོས་ཀྱི་ཡོད་སྐོར་དང་། རྒྱ་གར་དབུས་གཞུང་ནས་རྒྱལ་ཡོངས་སྒོ་རྒྱ་རིམ་པ་བཞི་པ་ཕྱེས་པ་དང་བསྟུན། མངའ་སྡེ་དང་རྫོང་སོ་སོས་གསལ་བསྒྲགས་སྤེལ་བའི་ནང་། མངའ་སྡེ་དང་རྫོང་ཕྱི་ལོགས་ནས་ཡོང་མཁན་ཚོ་ཟུར་བཀག་ཏུ་གནས་མི་དགོས་པའི་བཀའ་ཁྱབ་བཏང་ཡོད་ནའང་། བོད་མིའི་སྒྲིག་འཛུགས་ཀྱི་ས་གནས་མགོ་འཛིན་ཁྱབ་ཁོངས་ཀྱི་བོད་མི་སུ་འདྲ་ཞིག་ཡིན་རུང་། ཕྱི་ལོགས་ནས་ས་གནས་སུ་འབྱོར་སྐབས་ངེས་པར་དུ་ཟུར་བཀག་བྱ་དགོས་པའི་ལམ་སྟོན་གནང་ཡོད་སྐོར་བརྗོད་བྱུང་།  དེ་ཡང་ཟླ་འདིའི་ཕྱི་ཚེས་ ༡༨ ཉིན་དྷ་ས་ས་གནས་མགོ་འཛིན་ལས་ཁུངས་ནས་དེ་འབྲེལ་བཀའ་ཁྱབ་ཅིག་བཏང་བའི་ནང་། བོད་མིའི་སྒྲིག་འཛུགས་ཀྱི་དབུས་ཛ་དྲག་ངལ་སེལ་ཚོགས་ཆུང་ནས་ལམ་སྟོན་ཕེབས་པ་ལྟར། ཕྱི་ནས་དྷ་སར་ཕེབས་མཁན་བོད་མི་ཡོངས་རྫོགས་མ་ཕེབས་གོང་དྷ་ས་ས་གནས་མགོ་འཛིན་ལས་ཁུངས་སུ་བརྡ་ལན་ངེས་པར་དུ་གནང་དགོས་པ་དང་། ཅི་སྟེ་དེ་ལྟར་མ་གནང་བར་རང་ཐག་རང་གཅོད་ཀྱི་ཕེབས་མཁན་རིགས་ལ་འགོག་དབྱེ་ཟུར་འཇོག་གི་མཐུན་རྐྱེན་དང་གཉན་རིམས་ ༡༩ ནད་རྟགས་ཡོད་མེད་རིན་མེད་བརྟག་དཔྱད་བྱེད་རྒྱུའི་གོ་སྐབས་སོགས་བོད་མིའི་སྒྲིག་འཛུགས་ནས་གནང་རྒྱུ་མིན་པ་མ་ཟད། གཉན་རིམས་ཁྱབ་གདལ་གཏོང་བ་སོགས་ཀྱིས་སྤྱི་ཚོགས་ནང་ཉེན་ཚབས་སྤེལ་ཚེ་དོ་བདག་རང་ངོས་ལ་འགན་འཁུར་ཆ་ཚང་ཡོད། དེ་བཞིན་མེག་གྷན་ནས་དྷ་སྟེང་བོད་ཁྱིམ་འགྲོ་ལམ་དུ་ཡོད་པ་བྱུས་གཏོགས་རྐུབ་བཀྱག་སྟེང་ཞུགས་ཐལ་མེད་པ་དང་། མཚན་ཚོགས་སོགས་འདུ་འཛོམས་སར་ཕེབས་མི་དགོས་པ་གནང་གལ་དང་། འདུ་འཛོམས་དེའི་རིགས་ནས་ཏོག་དབྱིབས་གཉན་རིམས་འགོས་ཏེ་མི་མང་ཁྲོད་དུ་ཁྱབ་གདལ་གཏང་ཚེ་དོ་བདག་དེར་འགན་འཁུར་ཆ་ཚང་ཡོད་སྐོར་བསྒྲགས་འདུག  ཁ་སང་ཕྱི་ཚེས་ ༢༠ ཉིན་གཅིག་པུར་རྒྱ་གར་རྒྱལ་ཡོངས་ནང་ཏོག་དབྱིབས་ནད་པ་གསར་པ་༩༢༦༠༥ ལྷག་ཐོན་ཏེ། ད་བར་རྒྱ་གར་ནང་གཉན་རིམས་འགོས་པ་མི་གྲངས་ཁྱོན་ས་ཡ་ ༥ དང་ཕྱེད་ཀ་བྱུང་ཡོད་ཅིང་། དེའི་ཁྲོད་ནས་མི་གྲངས་ཁྲི་ ༩ མ་ཟིན་ཙམ་རྐྱེན་འདས་དང་། མི་གྲངས་ས་ཡ་ ༤  དང་ཕྱེད་ཀ་མ་ཟིན་ཙམ་དྲག་སྐྱེད་བྱུང་ཡོད་འདུག...

བོད་པའི་སྐྱེས་སྐར་རོལ་ཚུལ་གསལ་བསྒྲགས།

   གསོན་པོ་དང་མྱི་གླེན་པ་གཉིས་ཀྱིས་རྩོམ་སྒྲིག་བྱས།  གཅིག སྐྱེས་སྐར་རོལ་སྐབས་ཀྱི་ཅ་དངོས། སྐྱེས་སྐར་རོལ་མཁན་ལ། འཕྲེད་དར་རམ་ཁ་ཡིག མཆོད་མེ། སྤྲི་གོར། ལོ་གྲངས། བོད་ལྭ། ཁ་བཏགས། ནང་མི་དང་སྐྱེས་སྐར་དེ་ལ་ཞུགས་མཁན་གྱི་གྲོགས་པོ་གྲོགས་མོ་ལ། ཁ་བཏགས། ལེགས་སྐྱེས། གསལ་བཤད། ལེགས་སྐྱེས་ལ་གཏན་འཁེལ་མེད་མོད། བྱིས་པའི་མ་འོངས་འཚོ་བ་དང་ཀུན་སྤྱོད་ལེགས་ལམ་དུ་གཏོང་བར་ཕན་པ་ལས། མི་ཆེན་ཚོས་དབང་ཐང་དང་རྒྱུ་འབྱོར་ངོམ་པའི་སྟེགས་བུ་རུ་གཏན་ནས་གཏོང་མི་རུང་།  འཛེམ་བྱ།  སྐྱེས་སྐར་ལེགས་སྐྱེས་ལ་མེ་མདའ་སོགས་མཚོན་ཆའི་རིགས་གཏན་ནས་སྟེར་མི་རུང་ཞིང་། ལེགས་སྐྱེས་ཆེ་མི་རུང་། གལ་སྲིད་ཆེ་སོང་ན་སྐྱེས་སྐར་ནི་ལོ་ལྟར་རྒྱུན་མི་ཆད་པར་བསྟུད་མར་འོང་བས། སྔར་ལོ་ལས་ཕྱིར་ལོ་ལེགས་སྐྱེས་ཆུང་ན་བྱིས་པ་ཡིད་མ་ཚིམ་པ་དང་ཁོ་ཆད་པའི་འདུ་ཤེས་སྐྱེ་བར་བཤད། གཉིས། སྐྱེས་སྐར་གླུ་གཞས། གཞས་ཚིག ༢༠༡༧ ལོར་རང་རིག་སྐྱིད་ཀྱིས་བརྩམས། ཁྱེད་ཀྱི་སྐྱེས་སྐར་ལ་རྟེན་འབྲེལ་ཞུ། ཁྱེད་ཀྱི་སྐྱེས་སྐར་ལ་རྟེན་འབྲེལ་ཞུ། བརྩེ་བའི(      )ཁྱེད་ཀྱི་སྐྱེས་སྐར་ལ། ཚེ་རིང་ནད་མེད་ལོ་བརྒྱ། ཚེ་རིང་ནད་མེད་ལོ་བརྒྱ། གསུམ། སྐྱེས་སྐར་རོལ་སྐབས། ཐོག་མར་སྐྱེས་སྐར་ཁ་ཡིག་སྦྱར། སྐྱེས་སྐར་རོལ་མཁན་དེ་ཉིད་ཀྱིས་བོད་ལྭ་གྱོན། སྐེ་ལ་ཁ་བཏགས་བསྒྲོན།...

བོད་མི་ཞིག་ལ་ལོ་ ༡༢ ཡི་ཁྲིམས་ཐག་བཅད།

བོད་མི་བསོད་ནམས་ཆོས་འཕེལ་ཞེས་པ་ཞིག་གིས་རྒྱ་སྒོར་ས་ཡ་ ༡༠ མ་ཟིན་གྱི་ལྐོག་རྔན་བླངས་བའི་ཉེས་འཛུགས་བྱས་ཏེ་ལོ་ ༡༢ ཀྱི་བཙོན་འཇུག་ཁྲིམས་ཐག་བཅད།བོད་ཉིང་ཁྲི་གྲོང་ཁྱེར་འབྲིང་རིམ་མི་དམངས་ཁྲིམས་ཁང་ཟེར་བ་ཞིག་གིས་བསྒྲགས་པའི་གནས་ཚུལ་ལྟར་ན། ཟླ་འདིའི་ཕྱི་ཚེས་ ༡༦ ཉིན་བོད་རང་སྐྱོང་ལྗོངས་ཟེར་བའི་འགྲིམ་འགྲུལ་ལས་ཁུངས་ཀྱི་མགོ་འཁྲིད་གཞོན་པ་ཟུར་པ་བསོད་ནམས་ཆོས་འཕེལ་ཞེས་པ་ཞིག་གིས།  ལས་ཡུན་སྐབས་རྒྱ་སྒོར་ས་ཡ་ ༡༠ མ་ཟིན་ཙམ་གྱི་ལྐོག་རྔན་བླངས་བའི་ཉེས་མིང་འོག་ལོ་ ༡༢ ཀྱི་བཙོན་འཇུག་ཁྲིམས་ཆད་དང་། རྒྱ་སྒོར་ས་ཡ་གཅིག་གི་ཆད་པ་བཅད་ཡོད་འདུག བསོད་ནམས་ཆོས་འཕེལ་ལ་ནག་ཉེས་བཙུགས་པའི་ནང་།  བསོད་ནམས་ཆོས་འཕེལ་དེ་སྔོན་བོད་རང་སྐྱོང་ལྗོངས་ཀྱི་དམར་ཤོག་འཐུས་མི་དང་འགྲིམ་འགྲུལ་ལས་ཁུངས་ཀྱི་མགོ་འཁྲིད་གཞོན་པ་ཡིན་སྐབས། ཁོས་རང་ཉིད་ཀྱི་དབང་ཆ་ལོག་སྤྱོད་བྱས་ཏེ་ནག་ཆུ་དང་མངའ་རིས། དེ་བཞིན། ལྷོ་ཁ་སོགས་སུ་བཟོ་གྲྭ་ཁག་གི་ཚོང་དོན་དང་འབྲེལ་བའི་ལས་གཞི་ ༧ ལ་རམ་འདེགས་བྱས་ཏེ་བར་འདུམ་གན་རྒྱ་འཇོག་པ་སོགས་ཀྱིས། ཕྱི་ལོ་ ༢༠༡༩ ཟླ་ ༢...

སེར་སྨད་དང་བློ་གླིང་གི་ཡི་གེ་སྔ་རྗེས་གཉིས་དང་འབྲེལ་བའི་བསམ་ཚུལ།

རྫ་ཚེ་རིང་བཀྲ་ཤིས། ཇུས་གཏོགས—སེར་སྨད་དང་བློ་གླིང་གི་ཡི་གེ་སྔ་རྗེས་གཉིས་དང་འབྲེལ་བའི་བསམ་ཚུལ།  ༡ ༽ བསྒྲགས་གཏམ་སྤེལ་སྐབས་གཟབ་ནན་དགོས།  ནམ་རྒྱུན་དགོན་ཆེན་ཚོ་དང་ཚོགས་པ་ཆེན་པོ་ཚོས་གསལ་བསྒྲགས་རིགས་སྤེལ་སྐབས་ངང་རྒྱུད་རིང་ཙམ་དགོས་པ་ལས། སྤེལ་སྔ་དྲགས་པ་དང་སྤེལ་རྒྱུ་མང་དྲགས་པའི་ཕྱོགས་ལ་གཟབ་དགོས་པ་འདུག །སྤྱི་དང་འབྲེལ་བའི་གནས་ཚུལ་རེ་བྱུང་སྐབས། བྱེ་བྲག་གི་སྡེ་ཚན་རེ་མདུན་དུ་ཐོན་ནས་དམིགས་བསལ་གྱིས་ང་མིན་ང་མིན་ཟེར་བསྡད་པ་དེ་ཡང་། ཐད་ནས་བལྟས་ན་དག་ཆེ་ས་ནས་དིག་ལྷང་བུད་པ་འདྲ་ཞིག་འདུག་པས། འདི་རིགས་ཀྱི་ཐད་དང་པོ་ནས་ཕྱོགས་ཡོངས་ལ་བསམ་བློ་འཁོར་དགོས་པ་གལ་ཆེ། ༢༽ ཁ་ཚོན་གཅོད་སྔ་བྱས་ན་ཉེན་ཁ་ཡིན། ཉེ་ཆར་སེར་སྨད་གྲྭ་ཚང་གིས་སྤྱི་ལོ་༢༠༢༠ཟླ་༨ཚེས་༢༣ འཁོད་པའི་བསྒྲགས་གཏམ་གྱི་ཡི་གེ་ཞིག་མཇལ་ཞིང་། ཡི་གེ་དེ་མ་གཞི་ལོ་བཟང་ཅན་དེ་གསང་ཉུལ་ཡིན་པ་དང་། རྒྱ་གར་གྱི་གསར་ལམ་ཁག་ཅིག་གིས་གསར་འགྱུར་དེ་དང་འབྲེལ་ནས་སེར་སྨད་ཀྱི་མིང་བཏོན་ཡོད་པའི་སྐོར་ལ་བསྒྲགས་གཏམ་ཞིག་རེད།  ཡི་གེ་དེར་དོན་ཚན་གསུམ་ཡོད་པའི་ནང་ནས། དོན་ཚན་གཉིས་པའི་ཕྱག་མཛོད་ཁང་སོགས་འབྲེལ་བ་མེད་ཚུལ་དང་། དོན་ཚན་གསུམ་པར། གལ་ཏེ་སྒྲིག་ཁུངས་སུ་ཡོད་པའི་དགེ་འདུན་པ་སུ་ཞིག་གནས་ཚུལ་དེ་དང་འབྲེལ་བ་ཡོད་པའི་ར་འཕྲོད་ཚེ་རྒྱ་གར་འབྲེལ་ཡོད་ལས་ཁུངས་ལ་རྩིས་སྤྲོད་བྱ་རྒྱུ་ཡིན་ཚུལ་སོགས་བཤད་པ་ནི་ལོས་བདེན། ཡིིན་ན་ཡང་། དོན་ཚན་དང་པོར་༼སེར་སྨད་གྲྭ་ཚང་གི་དགེ་འདུན་བགྲེས་གཞོན་སུས་ཀྱང་༽གཞིས་བྱེས་བོད་མིའི་བདེ་དོན་དང་བཙན་བྱོལ་བོད་མིའི་སྒྲིག་འཛུགས། ༧གོང་ས་མཆོག་གི་སྐུ་ཕྱྭ་དང་མཛད་པ་བཅས་ལ་༼དོ་ཕོག་འགྲོ་རྒྱུའི་ལས་གཞི་དངོས་ཤུགས་བརྒྱུད་གསུམ་ནས་དུས་ནམ་ཡང་སྤེལ་མེད་པ་དང་། དེ་འདྲའི་ལས་གཞི་རྩོམ་མཁན་སུ་ལའང་འབྲེལ་བ་མེད༽ཅེས་པའི་འབྲི་སྟངས་འདིར་ངས་གོ་བ་ལེན་ཤེས་མ་སོང་། སུ་ཡང་འབྲེལ་བ་མེད་པ་ཁ་ཚོན་ཆོད་ན་ར་འཕྲོད་ཚེ་རྒྱ་གར་གཞུང་ལ་རྩིས་སྤྲོད་ཀྱི་ཡིན་ཡང་ཟེར་མ་དགོས་པ་འདྲ་ཞིག་རེད། དེ་ཚིག་འཁྲི་ལྟ་བུ་ཞིག་ཡིན་པའི་དབང་དུ་བཏང་ཡང་། གཙོ་ཆེ་བ་དེ་གལ་ཏེ་ཉི་མ་གཅིག་ལ་རྒྱ་གར་གཞུང་ལྟ་བུ་ཞིག་གིས་སྤྱི་སྒེར་སུ་ཞིག་ལ་དོགས་པ་བྱ་འགོ་ཚུགས་ན། གཤམ་འོག་གི་ཁོངས་མི་སུས་ཀྱང་ནག་ཉེས་དང་ནོར་འཁྲུལ་བྱས་མེད་པའི་ཁག་ཐེག་གི་ཡི་གེ་འབྲི་ཐུབ་མཁན་གྱི་ཚོགས་པ་སྒྲིག་འཛུགས་ཤིག་འཇིག་རྟེན་ན་ཧ་ལམ་མི་སྲིད་པ་ཞིག་ཡིན་གྱི་རེད་དྲན། གང་ཟག་སྒེར་རེ་རེའི་བྱ་སྤྱོད་ནི་གྲྭ་ཚང་གི་ལས་ཁུངས་ཀྱིས་དག་འབུད་བྱེད་ཐུབ་པ་ཞིག་གཏན་ནས་ཆགས་ཀྱི་ཡོད་མ་རེད།...

རྒྱ་ནག་གི་རྫས་འགྱུར་ཁང་ཞིག་གིས་ནད་འབུ་ཁྱབ་ཏུ་བཅུག་འདུག

ཀན་སུའུ་ཞིང་ཆེན་ལན་ཀྲུའུ་གྲོང་ཁྱེར་སོགས་ཀྱི་ནང་མི་གྲངས་ ༣༢༤༥  ལྷག་ལ་འགོས་ནད་ཅིག་བྱུང་ཡོད་པ་དང་ནད་འབུ་དེ་ཕན་ཚུན་ཐུག་རེག་སོགས་ལས་འགོས་ཀྱི་ཡོད་སྐོར་བསྒྲགས་འདུག ཁ་སང་ཀན་སུའུ་ཞིང་ཆེན་ལན་ཀྲུའུ་གྲོང་ཁྱེར་འཕྲོད་བསྟེན་ལྷན་ཁང་གིས་ཁུལ་དེའི་མི་གྲངས་ ༣༢༤༥  ལྷག་ལ་ནད་རྟགས་ཐོན་ཡོད་པ་དང་།   ནད་འབུ་དེ་ནི་ཀན་སུའུ་ཞིང་ཆེན་ལན་ཀྲུའུ་གྲོང་ཁྱེར་གྱི་ཀྲུང་མོ་བཟོ་ལས་ཚད་ཡོད་ཚོང་གཉེར་ཁང་ཟེར་བ་ཞིག་གིས་བདག་གཉེར་བྱེད་བཞིན་པའི་སྐྱེས་དངོས་སྨན་རྫས་བཟོ་གྲྭ་(兰州市生物制药厂)ཞེས་པ་ཞིག་གིས། འདས་ལོའི་ཕྱི་ཟླ་ ༧ པའི་ཚེས་ ༢༤ ནས་ འདི་ལོའི་ཕྱི་ཟླ་ ༨ ཚེས་ ༢༠ བར་དུ་དུས་ཡུན་རྫོགས་ཟིན་པའི་དུག་སེལ་རྫས་རིགས་བཀོལ་སྤྱོད་བྱས་པ་ལས་བྱུང་བ་ཞིག་ཡིན་སྐོར་བརྗོད་འདུག ས་གནས་ཀྱི་གསར་འགོད་པས་སྨན་རྫས་བཟོ་གྲྭ་དེའི་འབྲེལ་ཡོད་ལ་གནད་དོན་དེའི་ཐད་བཅར་འདྲི་བྱེད་སྐབས། ད་ལྟ་ཚོར་བ་སྐྱེན་པའི་སྐབས་འདིར་ལན་ཀྲུའུ་གྲོང་ཁྱེར་སྲིད་གཞུང་གི་གོ་སྒྲིག་འོག་ནས་མ་གཏོགས་བཅར་འདྲི་དྭང་ལེན་བྱ་རྒྱུ་མིན་སྐོར་བརྗོད་ཡོད་པ་དང་། གྲོང་ཁྱེར་འཕྲོད་བསྟེན་ལྷན་ཁང་ནས་སྨན་རྫས་བཟོ་གྲྭ་དེས་གནོད་ཐེབས་གུན་གསབ་སྤྲོད་རྒྱུར་བརྡ་འདེད་གཏང་སྟེ་འབྲེལ་ཡོད་ལས་དོན་ཕྱི་ཟླ་ ༡༠ ནང་ལག་བསྟར་བྱ་རྒྱུ་ཡིན་སྐོར་བརྗོད་འདུག དེ་ཡང་ཀན་སུའུ་ཞིང་ཆེན་ལན་ཀྲུའུ་གྲོང་ཁྱེར་འཕྲོད་བསྟེན་ལྷན་ཁང་གིས།  ད་བར་ཁུལ་དེའི་ནང་བརྟག་དཔྱད་བྱས་པ་བརྒྱུད་མི་གྲངས་ ༣༢༤༥  ལྷག་ལ་ན་ཚ་དེའི་ནད་རྟགས་ཐོན་ཡོད་པ་དང་།  ན་ཚ་དེ་འགོས་སའི་གཞི་གཙོ་བོ་ནད་འབུ་ཡོད་པའི་ཅ་ལག་ལ་ཐུག་རག་དང་ཟ་མ་བརྒྱུད་འགོས་པ།...

ཁ་ན་ཌ་གཞུང་གིས་རྒྱ་ནག་དང་ཚོང་འབྲེལ་གྲོས་མོལ་མཚམས་འཇོག་གནང་འཆར་འདུག

ཁ་ན་ཌའི་ཕྱི་སྲིད་བློན་ཆེན་ཧྥ་རན་སོ་ཧྥི་ལིབ་ཤེམ་པེན་མཆོག་གིས་ད་ལྟ་རྒྱ་ནག་དང་མུ་མཐུད་ནས་གྲོས་མོལ་བྱ་རྒྱུའི་གནས་སྟངས་ཤིག་མཐོང་གི་མི་འདུག་ཅེས་གསུངས་འདུགཁ་ན་ཌ་དང་རྒྱ་ནག་གཉིས་ཀྱིས་ཕན་ཚུན་གྱི་མི་སེར་འཛིན་བཟུང་བཀག་ཉར་བྱས་ཏེ་ཡུལ་གཉིས་ཀྱི་འབྲེལ་ལམ་ཇེ་སྡུག་ཏུ་ཕྱིན་ཡོད་པ་ལྟར། ཁ་སང་ཁ་ན་ཌའི་གཞུང་གིས་རྒྱ་ནག་དང་ཚོང་འབྲེལ་གྲོས་མོལ་མཚམས་འཇོག་བྱ་རྒྱུ་ཡིན་སྐོར་བསྒྲགས་འདུག་པ་མ་ཟད། ཕྱི་ལོ་ ༢༠༡༨ ལོར་རྒྱ་ནག་གིས་འཛིན་བཟུང་བྱས་པའི་ཁ་ན་ཌའི་ཕྱི་འབྲེལ་མི་སྣ་ཟུར་པ་མེ་ཁལ་ཀོབ་རིག (Michael kovrig) དང་། ཚོང་པ་མེ་ཁལ་སི་པེ་ཝོར་ (Michael Spavor) གཉིས་གློད་གྲོལ་ཡོང་ཐབས་དེ་གལ་འགངས་ཆེ་ཤོས་ཡིན་སྐོར་བརྗོད་ཡོད་འདུག དེ་རིང་ལྷོ་རྒྱུད་རྒྱ་ནག་ཞོགས་པའི་ཆ་འཕྲིན་གྱིས་གནས་ཚུལ་སྤེལ་བ་ལྟར་ན། ཁ་སང་ཁ་ན་ཌའི་ཕྱི་སྲིད་བློན་ཆེན་ཧྥ་རན་སོ་ཧྥི་ལིབ་ཤེམ་པེན་ (Francois-Philippe Champagne) མཆོག་གིས།  ཡུལ་དེའི་གོ་ལའི་ཉིན་རེའི་ཆ་འཕྲིན་ (The Globe and Mail) གི་བཅར་འདྲིའི་སྐབས། ངས་ད་ལྟ་རྒྱ་ནག་དང་མུ་མཐུད་ནས་གྲོས་མོལ་བྱ་རྒྱུའི་གནས་སྟངས་ཤིག་མཐོང་གི་མི་འདུག ཕྱི་ལོ་ ༢༠༢༠ ལོའི་རྒྱ་ནག་དེ་ཕྱི་ལོ་ ༢༠༡༦...

བྱིས་པར་དཔེ་ཀློག་གི་གོམས་གཤིས་འཇོག་ཐབས།

གཡག་རྒོད་རྩོམ་སྒྲིག་ཚོགས་ཆུང་། བྱིས་པ་ནི་མ་འོངས་པའི་བདག་པོ་ཡིན་ཞེས་པ་ལྟར། བོད་པའི་ཕ་མ་སུ་ཡིན་ཀྱང་བྱིས་སྐྱོང་གི་བྱ་བ་ནི་མི་ཚེའི་ནང་གི་བྱ་བཞག་ཆེས་གལ་ཆེ་བ་དེ་ཡིན་པ་ཤེས་དགོས། རང་ཉིད་དང་ཁྱིམ་ཚང་། སྤྱི་ཚོགས་དང་མི་རིགས། རིག་གནས་ཀྱི་དར་རྒུད་སོགས་ཀྱང་བྱིས་པའི་རྨང་གཞིའི་སློབ་གསོའི་བྱེད་ཐབས་འགྲིག་མིན་ལ་ཐུག་ཡོད། དེ་ན་གཙོ་བོ་བྱིས་པ་གསོ་སྐྱོང་གི་ལས་དོན་ལ་ལམ་འགྲོ་ཡོང་བའི་ཆེད་དུ་ཕ་མ་ཚོས་ཆོད་སེམས་བརྟན་པོ་ཡོད་པའི་ཐོག་ནས་འགན་ཁུར་དགོས་ཤིང་། གནའ་དེང་གི་སེམས་ཁམས་ཚན་རིག་པ་ཚོས་གཞུང་ལུགས་དང་ལྟ་གྲུབ་སྣ་ཚོགས་གཞི་ལ་བཞག་སྟེ་བྱིས་སྐྱོང་སློབ་གསོའི་བྱེད་ཐབས་མང་བོ་ཞིག་ཞིབ་འཇུག་བྱས་ཏེ་གསུངས་ཡོད་པའི་ཁྲོད་ནས། ཆེས་མཆོག་ཏུ་གྱུར་བའི་བྱེད་ཐབས་ཤིག་ནི་དཔེ་ཀློག་སློབ་གསོ་ཡིན་པ་རེད། དེ་ན་མི་རིགས་ཀྱི་མ་འོངས་པའི་བདག་པོ་སྟེ་གདོང་དམར་བོད་པ་ཚང་གི་བྱིས་པ་ཚོ་ལ་དཔེ་ཀློག་གི་འདུ་ཤེས་བརྟན་པོ་ཞིག་འཇོག་ཕྱིར་ཕ་མ་ཚོས་བརྩོན་པ་ཆེན་པོས་ཤེས་འཇོན་ལྷག་གསུམ་ཚང་བའི་བུ་ཕྲུག་སྐྱེད་སྲིང་བྱེད་དགོས།  ཨ་རིའི་གནམ་གཤིས་ཚན་རིག་པ་ཁ་རོ་སེ་རྒན་(Carl Sagan) ཞུ་བ་དེས་རང་གི་ཀྱི་སྤྱི་ཚོགས་ལ་ཆེས་རིན་ཐང་ཆེ་བའི་ལེགས་སྐྱེས་ཤིག་སྤྲོད་པར་འདོད་ན། རང་གི་བུ་ཕྲུག་ལ་དཔེ་ཀློག་བྱེད་དགོས་པ་ཡིན་ཞེས་གསུངས་ཡོད། ཨ་རི་དང་ཇར་མན། འཇར་པན། ཁ་ན་ཊ་ལ་སོགས་པའི་སློབ་གསོ་དང་ཚན་རིག་དར་བའི་རྒྱལ་ཁབ་ཀྱི་ཕ་མ་ཚོས་ཕྲུ་གུ་ཨ་མའི་མངལ་དུ་ཡོད་པའི་སྐབས་ནས་དཔེ་ཀློག་བྱས་དང་བྱེད་བཞིན་དུ་ཕྲུ་གུའི་སེམས་ལ་བག་ཆགས་བཞག་དང་འཇོག་བཞིན་པ་ནི་རྒྱུན་ལྡན་གྱི་གནས་ཚུལ་ཞིག་ཡིན། དེ་ན་ཕྲུ་གུ་ལ་དཔེ་ཀློག་གི་བག་ཆགས་འཇོག་འདོད་པའི་ཕ་མ་ཚོས་ཕྲུ་གུ་ཨ་མའི་མངལ་དུ་ཡོད་པའི་སྐབས་ནས་དཔེ་ཆ་བཀླགས་ཏེ་ཐོས་པའི་སློབ་གསོ་སྤྲོད་དགོས་པ་ཡིན། དེང་སང་བོད་ཕྱི་ནང་གི་བོད་པའི་ཕ་མ་ཚོའི་ཁྲོད་དུའང་བྱེད་ཐབས་འདི་ལག་བསྟར་བྱེད་མཁན་མི་ཉུང་བ་བྱུང་དང་འབྱུང་བཞིན་ཡོད་པ་ནི་དངོས་ཡོད་ཀྱི་གནས་ཚུལ་ཞིག་ཡིན་ཅིང་། གནས་ཚུལ་དེ་ནི་ཡར་རྒྱས་ཀྱི་མཚོན་རྟགས་ཤིག་དང་བཟང་ཕྱོགས་ཀྱི་འགྱུར་བ་ཡག་པོ་ཞིག་ཡིན། བྱིས་པའི་སློབ་གསོ་གླེང་བའི་གཏམ་ཞེས་པའི་བྱིས་སྐྱོང་སློབ་གསོའི་དཔེ་དེབ་རྩོམ་པ་པོ་རྒྱལ་རོང་བརྩོན་འགྲུས་ལགས་དང་བྱིས་སྐྱོང་སྐོར་ལ་ཉམས་མྱོང་ཆེ་བའི་ཁྲོ་ཆུའི་དོན་འགྲུབ་ལ་སོགས་པའི་འགན་ཁུར་ཅན་གྱི་ཕ་མ་སྐོར་ཞིག་གིས་ཀྱང་སྦྲུམ་ལྡན་ཆུང་མའི་མངལ་གྱི་ཐད་ནས་ཆེད་དུ་བོད་ཡིག་གི་དཔེ་ཆ་ཀློག་འདོན་བྱས་དང་བྱེད་བཞིན་ཡོད། སྤྱི་ལོ་༢༠༡༣ ལོའི་ཟླ་བ་༢ པའི་ཚེས་༢༦ ཉིན་དབྱིན་ཇིའི་བྷིས་བྷིས་སི་གསར་ཁང་གིས་སྤེལ་བའི་གསར་འགྱུར་དུ་ཧྥ་རན་སའི་རྒྱལ་ཡོངས་ཚན་རིག་ཁང་གི་ཞུབ་འཇུག་པ་ཚོས་ཨ་མའི་མངལ་གྱི་ཕྲུ་གུ་ཟླ་བ་བདུན་ལོན་པ་དེས་མངལ་གྱི་ཕྱི་རོལ་ཏུ་གྲགས་པའི་ཕོ་མོ་གཉིས་ཀྱི་སྐད་གདངས་ཀྱི་ཁྱད་པར་དང་དབྱེ་བ་འབྱེད་ཤེས་ཀྱི་ཡོད་པ་རེད་ཅེས་གསུངས་འདུག  སྤྱི་ལོ་༢༠༡༣ ལོའི་ཟླ་བ་༡ པོའི་ཚེས་༢ ཀྱི་ཉིན་ཨ་རིའི་ཝ་ཤུན་ཊོན་སློབ་ཆེན་གྱི་ཚན་རིག་སྡེ་ཚན་གྱིས་སྤེལ་བའི་གསར་འགྱུར་ནང་དུ་བྱིས་པ་བཙས་ནས། དུས་ཚོད་ཁ་ཤས་ཀྱི་རྗེས་སུ་ཕ་སྐད་དང་གཞན་སྐད་ཀྱི་ཁྱད་པར་ངོས་འཛིན་དང་དབྱེ་འབྱེད་སོགས་བྱེད་ཤེས་ཀྱི་ཡོད་པ་གསུངས་པ་དང་། ཨ་རིའི་བྱིས་སྒྲུང་རྩོམ་པ་པོ་ཨེ་མི་ལས་བྷ་ཆ་བོར་ཀྲི་(Emilie Buchwald)མཆོག་གིས་ཀྱང་དཔེ་ཀློག་ལ་སྤྲོ་བ་ཡོད་པའི་བྱིས་པ་ཞིག་གསོ་སྐྱོང་བྱེད་ས་དེ་ཕ་མའི་པང་རེད་ཅེས་གསུངས་ཡོད། དེ་ན་ཕྲུ་གུ་བཙས་ནས་ཟླ་བ་ཁ་ཤས་ཀྱི་རྗེས་ནས་ཕ་མ་གཉིས་ཀྱིས་ཕྲུ་གུ་རང་གི་ཤ་དྲོད་ལ་སྦྱར་ཏེ་དཔེ་ཀློག་བྱས་ནས་གསོ་སྐྱོང་བྱེད་དགོས། དེ་ལྟར་གསོ་སྐྱོང་བྱས་པ་ཡིན་ན་ཕྲུ་གུའི་སེམས་ཁམས་ལྷོད་ལ་གནས་པ་མ་ཟད། བློ་རིག་སྒྲིམ་སྟེ་དཔེ་ཆ་ཀློག་པའི་སྒྲ་ལ་རོལ་མྱོང་བྱེད་ཐུབ། ལྷག་པར་དུ་ཕྲུ་གུ་བཙས་ནས་ལོ་ལྔའི་བར་ནི་ཕྲུ་གུའི་ཀླད་པ་འཕེལ་རྒྱས་སུ་འགྲོ་བའི་དུས་ཚོད་ཆེས་བཟང་ཤོས་དེ་ཡིན་པས། ཕ་མ་ཚོས་དུས་ཚོད་དེ་དམ་འཛིན་བྱེད་དགོས།  ཕ་མ་དཔར་ཤིང་ཡིན། བུ་ཕྲུག་དཔར་རས་ཡིན་ཞེས་བརྗོད་ལ། བྱིས་པ་ལད་ཟློས་ལ་དགའ། ལད་ཟློས་བྱེད་ཡུལ་ཕ་མ་ཡིན་ཞེས་པ་ལྟར། དཔེ་ཀློག་ལ་དགའ་བའི་བུ་ཕྲུག་ཅིག་སྐྱེད་སྲིང་བྱེད་པའི་ཆ་རྐྱེན་གཙོ་བོ་དེ་ཕ་མ་ལ་དཔེ་ཀློག་གི་གོམས་གཤིས་ཡོད་དགོས་པ་དེ་ཡིན། དེ་ན་ཕ་མ་ཚོས་རང་དཔེ་བུ་སྟོན་གྱི་ལམ་ནས་དཔེ་ཀློག་གི་བྱ་བར་འཇུག་དགོས་ཤིང་།...

གངས་སྐྱིད་ཁུལ་དུ་ཏོག་དབྱིབས་སྔོན་འགོག་ཆེད་དོན་ཚན་གསུམ་གཏན་འབེབ་གནང་འདུག

བོད་མིའི་སྒྲིག་འཛུགས་ཀྱི་ལས་བྱེད་ཚོས་ཁ་རས་མ་གྱོན་ན་སྒོར་ ༥༠༠ རེའི་ཉེས་ཆད་དང་བཀའ་འཁྲོལ་མེད་པར་གཏན་འབེབ་ས་ཚིགས་ལས་བརྒལ་ན་དངུལ་གྱི་ཉེས་ཆད་གཅོད་རྒྱུ་ཡིན་འདུག དེ་རིང་བོད་མིའི་སྒྲིག་འཛུགས་ཀྱི་འཛིན་སྐྱོང་བཀའ་ཤག་ནས་དབུས་ལྷན་ཁང་ཁག་གི་དྲུང་ཆེ་རྣམས་ལ་གསལ་བསྒྲགས་ཤིག་བཏང་སྟེ།  གངས་སྐྱིད་དུ་ནད་ཡམས་འགོས་ཁྱབ་བཀག་འགོག་སླད། ལས་བྱེད་རྣམས་ལས་བཅར་ཞུ་ཕྱོགས་དང་ཕྱིར་སྐྱོད་བྱ་ཕྱོགས་ཀྱི་རྩ་འཛིན་དོན་ཚན་ ༣ ཅན་ཞིག་གཏན་འབེབ་གནང་ཡོད་པའི་ནང་། ཟླ་འདིའི་ཕྱི་ཚེས་ ༢༡ ནས་ཕྱི་ཟླ་ ༡༠ ཚེས་ ༡༨ བར་དུ། བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་ལས་བྱེད་རྣམས་བརྒྱ་ཆ་ ༥༠ རེ་བྱས་ནས་ལས་བཅར་གནང་རྒྱུ་དང་། ཁ་རས་མ་གྱོན་ན་ཐེངས་རེར་ཧིན་སྒོར་ ༥༠༠ ཉེས་ཆད་དང་། བཀའ་འཁྲོལ་མེད་པར་གཏན་འབེབ་ས་ཚིགས་ལས་ཐེངས་གཅིག་བརྒལ་ན་ཧིན་སྒོར་ ༥༠༠༠ དང་། ཐེངས་གཉིས་བརྒལ་ན་ཧིན་སྒོར་...

ཧོང་ཀོང་མི་མང་ལ་རང་དབང་གཟེངས་རྟགས་ཐོབ།

རྒྱལ་སྤྱིའི་རང་དབང་ཁང་པས་ཧོང་ཀོང་མི་མང་གིས་རང་དབང་དང་འགྲོ་བ་མིའི་ཐོབ་ཐང་སྲུང་སྐྱོབ་ཆེད་མུ་མཐུད་འཐབ་རྩོད་བྱེད་བཞིན་པར་ཆེ་བསྟོད་དུ་འདི་ལོའི་རང་དབང་གཟེངས་རྟགས་གནང་ཡོད་འདུགཁ་སང་ཕྱི་ཚེས་ ༡༦ ཉིན་རྒྱལ་སྤྱིའི་རང་དབང་ཁང་པས་དྲ་ཐོག་བརྒྱུད་ལོ་འཁོར་གྱི་རང་དབང་གཟེངས་རྟགས་ཀྱི་མཛད་སྒོ་ཞིག་ཚོགས་ཏེ། འདས་པའི་ལོ་ཤས་རིང་ཧོང་ཀོང་མི་མང་གིས་རང་དབང་དང་འགྲོ་བ་མིའི་ཐོབ་ཐང་སྲུང་སྐྱོབ་ཆེད་མགོ་ཁྲིད་མེད་པར་གཞུང་རྒོལ་ལས་འགུལ་ཤུགས་ཆེན་སྤེལ་སྟབས་མི་མང་ལས་འགུལ་བར་རང་དབང་གཟེངས་རྟགས་གནང་འདུག རང་དབང་ཁང་པའི་དྲ་ཚིགས་སྟེང་། རྒྱ་ནག་གཞུང་གིས་རྒྱ་ནང་ཙམ་མ་ཟད་ཕྱིའི་ཡུལ་གྲུ་ནང་དབང་ཆ་གཅིག་སྡུད་་རྒྱ་ཁྱབ་གཏོང་ཐབས་བྱེད་ཀྱི་ཡོད་པ་དང་། མགོ་ཁྲིད་མེད་པའི་ཧོང་ཀོང་མི་མང་གིས་དམངས་གཙོའི་ལས་འགུལ་གྱིས་འཛམ་གླིང་མི་མང་གི་སེམས་ལ་སྐུལ་མ་གནང་ཡོད།ཧོང་ཀོང་བ་ས་ཡ་གཉིས་ཙམ་མཉམ་གཅིག་ཏུ་ཁྲོམ་གཞུང་ལ་ཐོན་ཏེ། ཧོང་ཀོང་གི་ཁྲིམས་ནང་ཁེ་དབང་སྤྲད་ཡོད་པའི་འགྲོ་བ་མིའི་ཐོབ་ཐང་དང་རང་དབང་ལ་སྲུང་སྐྱོབ་བྱས་ཡོད་པ་རེད། རྒྱ་ནག་གཞུང་གི་གློ་བུར་བའི་རྒྱལ་ཁབ་བདེ་འཇགས་ཀྱི་ཁྲིམས་ཀྱིས་རང་དབང་སྲུང་སྐྱོབ་ཀྱི་ལས་འགུལ་ལ་ཉམས་དམས་ཆེན་པོ་བྱུང་ཡོད་ནའང་། ཧོང་ཀོང་བའི་རྗེས་རབས་པ་ཚོའི་ཆེད་དུ་ཧོང་ཀོང་མི་མང་གིས་མུ་མཐུད་རང་དབང་སྲུང་སྐྱོབ་ཀྱི་ལས་འགུལ་རྣམ་པ་གསར་པ་དང་རྩལ་དུ་ཐོན་པའི་ལས་འགུལ་སྤེལ་པའི་ཆོད་སེམས་ཐོག་གནས་ཡོད་པ་རེད། ཅེས་བཀོད་འདུག་ལ། རང་དབང་གི་གཟེངས་རྟགས་དེ་ཧོང་ཀོང་གི་གྲོས་འཐུས་མི་ཟུར་པ་དང་དམངས་གཙོའི་ལས་འགུལ་བ་ནཱ་ཐན་ལོ་(Nathan Law) ལགས་བརྒྱུད་ཧོང་ཀོང་མི་མང་ལ་གནང་འདུག ཧོང་ཀོང་གི་དམངས་གཙོའི་ལས་འགུལ་བ་ནཱ་ཐན་ལོ་ (Nathan Law) ལགས་ཀྱིས་འཛམ་གླིང་མི་མང་གིས་རྒྱ་ནག་གཞུང་ལ་ཁ་གཏད་བཅག་སྟེ། མི་མང་གི་དམངས་གཙོའི་འཐབ་རྩོད་ལ་རོགས་རམ་བྱེད་དགོས་པའི་འབོད་སྐུལ་ཞུས་འདུག་པ་དང་། རྒྱ་ནག་གཞུང་གིས་ཞི་དྲག་གཉིས་ཀྱི་དབང་ཤུགས་སྤྱད་དེ་དམངས་གཙོའི་རིང་ལུགས་ཉམས་རྒུད་དུ་གཏོང་ཐབས་བྱེད་བཞིན་ཡོད་པ་དང་། དབང་ཆ་གཅིག་སྡུད་ཀྱི་རང་བཞིན་ཆེ་རུ་འགྲོ་བཞིན་ཡོད་སྐོར་བརྗོད་འདུག གཞན་ཡང་། རང་དབང་གི་གཟེངས་རྟགས་དེ་ཕྱི་ལོ་ ༢༠༡༨ ལོའི་སུ་ཌན་གྱི་སྨན་པ་དང་སྨན་བཟོ་བ། ཁྲིམས་རྩོད་པ་དང་གསར་འགོད་པ། དགེ་རྒན་སོགས་ཀྱིས་གྲུབ་པའི་སུ་ཌན་ཆེད་ལས་ཚོགས་པས་...

ཨ་རིས་རྒྱ་ནག་ལ་ཕྱོགས་ཡོངས་ནས་ཁ་གཏད་གཅོག་པའི་ཁྲིམས་འཆར་བཏོན།

ཨ་རིའི་གྲོས་ཚོགས་གོང་མའི་དམངས་གཙོ་ཚོགས་པས་རྒྱ་ནག་ལ་ཁ་གཏད་གཅོག་ཆེད་ཨ་སྒོར་ཐེར་འབུམ་ ༣༥༠ ཅན་གྱི་ཨ་རི་སྣེ་ཁྲིད་ཁྲིམས་འཆར་ (America LEADS Act) ཞེས་པ་ཞིག་བཏོན་འདུགལྷོ་རྒྱུད་རྒྱ་ནག་ཞོགས་པའི་ཆ་འཕྲིན་གྱིས་གནས་ཚུལ་སྤེལ་བ་ལྟར་ན། ཨ་རྒྱའི་འབྲེལ་ལམ་ཛ་དྲག་ཏུ་འགྱུར་བཞིན་པ་དང་ཨ་རིའི་སྲིད་འཛིན་འོས་བསྡུ་ཆེན་མོ་སླེབས་ལ་ཉེ་བའི་སྐབས་འདིར། ཁ་སང་ཨ་རིའི་གྲོས་ཚོགས་གོང་མའི་དམངས་གཙོ་ཚོགས་པས། རྒྱ་ནག་གི་ཕྱིའི་རྒྱལ་ཁབ་ཀྱི་འཕྲུལ་རིག་ཤེས་བྱ་རྐུ་འཁྱེར་གྱིས་མཚོན་པའི་བཤུ་གཞོག་རང་བཞིན་གྱི་ཚོང་འབྲེལ་ཐབས་བྱུས་དག་ལ་ཁ་གཏད་གཅོག་ཆེད། ཨ་རིའི་དཔལ་འབྱོར་དང་། མནའ་འབྲེལ་མཐུན་ཚོགས་ཀྱི་སྟོབས་ཤུགས། ཕྱི་འབྲེལ་སྲིད་བྱུས་བཅས་ཁྱོན་ཡོངས་ནས་ཡར་རྒྱས་གོང་འཕེལ་དང་སྲ་བརྟན་ཡོང་ཆེད་ཨ་སྒོར་ཐེར་འབུམ་ ༣༥༠ ཅན་གྱི་ཨ་རི་སྣེ་ཁྲིད་ཁྲིམས་འཆར་ (America LEADS Act) ཞེས་པ་ཞིག་བཏོན་ཡོད་པ་དང་། དེར་ཨ་རིའི་སྤྱི་མཐུན་ཚོགས་པ་ངོས་ནས་རྒྱབ་སྐྱོར་གྱི་རྣམ་པ་ཤུགས་ཆེན་པོ་བསྟན་ཡོད་འདུག ཁྲིམས་འཆར་འདོན་མཁན་དམངས་གཙོ་ཚོགས་པའི་འཐུས་མི་རྒན་གྲས་སྐུ་ཞབས་ཤེ་རོཌ་བྷ་རོན་ (Sherrod Brown) གྱིས། ཊོམ་ཕུ་སྲིད་གཞུང་གི་དོན་སྙིང་དང་འཆར་གཞི་མེད་པའི་རྒྱ་ནག་གི་སྲིད་བྱུས་དེས།...

རྒྱ་མི་གསང་མྱུལ་བ་དང་འབྲེལ་བ་ཡོད་པའི་བོད་པའི་དགེ་འདུན་པ་བདུན་གྱི་མིང་བཏོན།

ཟླ་ཤས་གོང་རྒྱ་གར་གཞུང་གིས་འཛིན་བཟུང་བྱས་པའི་རྒྱ་མི་སོ་མྱུལ་བ་ལའོ་སང་ཟེར་བ་དེས་བོད་པའི་དགེ་འདུན་པ་ ༧ ལ་ཧིན་སྒོར་འབུམ་ ༡༠ ནས་ ༣༢ བར་གྱི་ལྐོག་དངུལ་སྤྲད་དེ་༧གོང་ས་མཆོག་གི་སྐོར་དང་བོད་མི་གནད་ཡོད་ཚོར་གསང་བའི་མྱུལ་ཞིབ་བྱེད་དུ་བཅུག་ཡོད་སྐོར་ངོས་ལེན་བྱས་འདུག ཁ་སང་ཕྱི་ཚེས་ ༡༧ ཉིན། རྒྱ་གར་གྱི་སི་ཨན་ཨན་བརྙན་འཕྲིན་ཁང་(CNN TV 18)གིས། ཉེ་སྔོན་ཕྱི་ཟླ་ ༧ ནང་རྒྱ་གར་གཞུང་གིས་འཛིན་བཟུང་བྱས་པའི་རྒྱ་མི་ལའོ་སང་ཟེར་བ་དེར་རྒྱ་གར་གཞུང་གིས་འདས་པའི་ཟླ་ངོ་གཉིས་ལྷག་རིང་འདྲི་རྩད་བྱས་པ་བརྒྱུད། ལའོ་སང་གིས་༧གོང་ས་རྒྱལ་བ་རིན་པོ་ཆེ་མཆོག་གི་སྐོར་ལ་སོ་མྱུལ་གྱི་ལས་དོན་ཆེད་བོད་པའི་བླ་མ་དང་དགེ་འདུན་པ་ ༧ ལ་དངུལ་སྤྲད་ཡོད་པའི་མིང་དང་དངུལ་གྱི་གྲངས་འབོར་བཅས་གསལ་འདོན་བྱས་ཡོད་པ་མ་ཟད། དངུལ་གྱི་ཡོངས་ཁུངས་རྒྱ་ནག་གཞུང་ཡིན་པ་སོགས་ར་འཕྲོད་བྱུང་ཡོད་སྐོར་བསྒྲགས་འདུག དེ་འབྲེལ་གནས་ཚུལ་ནང་རྒྱ་གར་གཞུང་འབྲེལ་གནད་ཡོད་མི་སྣ་ཞིག་གིས། ལའོ་སང་ངམ་ཆཱར་ལེ་ཕེན་གྱིས་མིང་འདོན་བྱས་པའི་བོད་པའི་དགེ་འདུན་པ་འཇམ་དབྱངས་སྦྱིན་པ་ཞེས་པ་ཞིག་ལ་ཧིར་སྒོར་འབུམ་ ༣༢ དང་། ཐུབ་བསྟན་ཆོས་གྲགས་ལ་ཧིན་སྒོར་འབུམ ༡༥།...

རྒྱ་ནག་གི་དྲ་མྱུལ་བ་ ༥ འཇུས་འདུག

ཨ་རིས་བསྐྱར་དུ་རྒྱ་རིགས་དྲ་མྱུལ་བ་ ༥ དང་མ་ལེ་ཤི་ཡའི་དྲ་མྱུལ་བ་གཉིས་བཅས་ལ་ཨ་རི་གཙོས་པའི་རྒྱལ་སྤྱིའི་འཕྲུལ་རིག་བཟོ་ཚོང་ཁང་དང་། སྤྱི་ཚོགས་དྲ་ལམ་གྱིས་མཚོན་པའི་བཟོ་གྲྭ་ཁག་ ༡༠༠ བརྒལ་བར་ཁྲིམས་འགལ་དྲ་ལམ་འཇབ་རྒོལ་བྱས་པའི་ནག་ཉེས་བཙུགས་འདུགརྒྱལ་སྤྱིའི་གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཁ་སང་ཨ་རིའི་ཁྲིམས་དོན་ལྷན་ཁང་གིས་རྒྱ་རིགས་དྲ་མྱུལ་བ་ལྔ་དང་མ་ལེ་ཤི་ཡའི་ (Malaysia) ཚོང་པ་ ༢ ཀྱིས། ཨ་རི་གཙོས་པའི་རྒྱལ་སྤྱིའི་འཕྲུལ་རིག་བཟོ་ཚོང་ཁང་དང་། སྤྱི་ཚོགས་དྲ་ལམ་གྱིས་མཚོན་པའི་བཟོ་གྲྭ་ཁག་ ༡༠༠ བརྒལ་བར་ཁྲིམས་འགལ་དྲ་ལམ་འཇབ་རྒོལ་བྱས་པའི་ནག་ཉེས་བཙུགས་འདུག་པ་མ་ཟད། རྒྱ་ནག་གཞུང་གིས་རྒྱ་རིགས་དྲ་མྱུལ་བ་ཚོར་དྲ་ལམ་འཇབ་རྒོལ་གྱི་ཁྲིམས་འགལ་བྱ་འགུལ་རིགས་སྤེལ་རྒྱུར་བཀག་འགོག་བྱེད་ཀྱི་མེད་པ་དེར་སྐྱོན་བརྗོད་དང་སྦྲགས། ཁོ་ཚོའི་བྱ་སྤྱོད་དེ་དག་རྒྱ་ནག་དམར་པོའི་གཞུང་ལ་ཁེ་ཕན་ཡོད་པ་ཤ་སྟག་ཡིན་པས། རྒྱ་ནག་གཞུང་གིས་ཆེད་དུ་བཀོད་སྒྲིག་བྱས་པ་ཞིག་ཡིན་མིན་གྱི་དོགས་སློང་བྱས་འདུགཁྲིམས་དོན་ལྷན་ཁང་གི་འགན་འཛིན་གཞོན་པ་ཇེ་ཧྥེ་རི་རོ་སན་ (Jeffrey Rosen)ལགས་ཀྱིས། ཨ་རིའི་ཁྲིམས་དོན་ལྷན་ཁང་ངོས་ནས་རྒྱ་རིགས་དྲ་མྱུལ་བ་དེ་ཚོས་སྤེལ་བའི་དྲ་ལམ་འཇབ་རྒོལ་རིགས་བཀག་འགོག་བྱ་རྒྱུའི་ཐབས་ལམ་ཡོད་ཚད་བསྟེན་ཡོད་ཀྱང་། རྒྱ་ནག་དམར་ཤོག་ཚོགས་པས་དེ་ལས་ལྡོག་སྟེ། དྲ་མྱུལ་བ་དེ་ཚོས་ཕྱིའི་རྒྱལ་ཁབ་ཀྱི་གློག་ཀླད་ལ་འཇབ་རྒོལ་དང་། ཡང་ན་རྒྱ་ནག་ལ་ཁེ་ཕན་ཡོད་པའི་འཕྲུལ་རིག་ཤེས་བྱ་རྐུ་འཁྱེར་བྱས་པ་ནས།...

རྒྱ་ནག་གཞུང་གིས་སོག་པོའི་སྐད་ཡིག་སྲུང་སྐྱོབ་པ་ ༥༠༠༠ ཙམ་འཛིན་བཟུང་བྱས།

རྒྱ་ནག་གཞུང་གིས་ལྷོ་སོག་ཏུ་རྒྱ་བསྒྱུར་སློབ་གསོའི་སྲིད་བྱུས་གཏན་འབེབ་བྱས་པའི་རྐྱེན་གྱིས་སོག་པོའི་སློབ་ཕྲུག་དང་ཕ་མ། ལས་འགུལ་བ་སྟོང་ཕྲག་མང་པོས་ངོ་རྒོལ་བྱས་ཏེ་མི་གྲངས་ ༥༠༠༠ ཙམ་འཛིན་བཟུང་བྱས་ཡོད་འདུགཁ་སང་ཕྱི་ཚེས་ ༡༦ ཉིན་རྒྱལ་སྤྱིའི་ངོས་འཛིན་མེད་པའི་རྒྱལ་ཁབ་དང་མི་མང་གི་ཚོགས་པ་ (UNPO) ཡི་གནས་ཚུལ་ལྟར་ན། འདས་པའི་བདུན་ཕྲག་གསུམ་ཙམ་གྱི་རིང་རྒྱ་ནག་གཞུང་གིས་ནང་སོག་ནང་རྒྱ་ནག་གི་སྐད་གཉིས་སྲིད་བྱུས་ཟེར་བར་ངོ་རྒོལ་བྱེད་མཁན་གྱི་སློབ་མ་དང་ཕ་མ། ལས་འགུལ་བ་སོགས་མི་གྲངས་ ༥༠༠༠ ཙམ་འཛིན་བཟུང་བྱས་ཡོད་པ་དང་། ཉུང་མཐར་མི་གྲངས་ ༩ ཙམ་གྱིས་སྲིད་བྱུས་དེར་ངོ་རྒོལ་བྱས་ཏེ་རང་སྲོག་བཅད་ཡོད་སྐོར་བཀོད་འདུག ཟླ་འདིའི་ཕྱི་ཚེས་ ༡༣ ཉིན་ས་གནས་ཀྱི་ཤེས་རིག་ལས་ཁུངས་དང་སྤྱི་བདེ་ཉེན་རྟོག་ཁང་། ཉེས་དོན་ཞིབ་བཤེར་ཁང་སོགས་ཀྱིས་མཉམ་འབྲེལ་ཐོག་སྤེལ་བའི་བསྒྲགས་ཡིག་ཅིག་གི་ནང་། སྲིད་གཞུང་གིས་སློབ་མའི་ཕ་མ་དང་ངོ་རྒོལ་བ་རྣམས་ཤེས་ཡོན་སྦྱོང་བརྡར་ཁང་དུ་སློབ་གསོ་སྤྲོད་དུ་འཇུག་རྒྱུ་ཡིན་པ་དང་། དེ་ལྟར་བྱས་ཀྱང་མུ་མཐུད་སོ་སོའི་ཕྲུ་གུ་སློབ་གྲྭར་སྐྱེལ་རྒྱུའི་མོས་མཐུན་མ་བྱས་ཚེ། རྒྱ་སྒོར་ ༥༠༠ ནས་ ༥༠༠༠ བར་དུ་ཆད་པ་གཅོད་རྒྱུ་ཡིན་པ་མ་ཟད།...

ལོ་ངོ་ཆིག་སྟོང་ལྷག་གི་ལོ་རྒྱུས་ལྡན་པའི་ནང་པའི་དགོན་པ་ཞིག་གཏོར།

ཐང་རྒྱལ་རབས་སྐབས་བཞེངས་པའི་ནང་པའི་དགོན་ཆེན་ཧྥུ་ཡིན་ཞུ་བ་གཏོར་བཤིག་བཏང་སྟེ་དགེ་འདུན་པ་རྣམས་ཕྱིར་འཕུད་བཏང་ཡོད་འདུགཁ་སང་བྷི་ཊར་ཝིན་ཊར་(Bitter Winter) ཞེས་པའི་རྒྱ་ནག་གི་ཆོས་ལུགས་རང་དབང་དང་འགྲོ་བ་མིའི་ཐོབ་ཐང་སྐོར་གྱི་དུས་དེབ་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས་རྒྱ་ནག་ཧྲན་ཞི་ཞིང་ཆེན་གྱི་བྱང་རྒྱུད་ཡོ་ཀྲི་རྫོང་ཝོ་ཇིན་ཧྲན་གྲོང་ཚོ་རུ་ཡོད་པའི་ལོ་ངོ་སྟོང་ཕྲག་ལྷག་གི་ལོ་རྒྱུས་ལྡན་པའི་ནང་པའི་ཧྥུ་ཡིན་(Fuyun)དགོན་པ་མཚན་གཅིག་གི་རིང་གཏོར་བཤིག་བཏང་སྟེ། དགོན་པའི་གྲྭ་པ་ཚང་མ་ཕྱིར་འཕུད་བཏང་ཡོད་པ་མ་ཟད། དད་ལྡན་དོན་གཉེར་བ་གཏན་འགོག་ཆེད་ཁུལ་དེར་ཉེན་རྟོག་པ་འགྲེམས་འཇོག་བྱས་ཡོད་འདུག ཕྱི་ལོ་ ༢༠༠༢ ནས་ ༢༠༡༡  བར་རྒྱ་ནག་གཞུང་གིས་ནང་དགོན་དེར་རྒྱ་སྒོར་ས་ཡ་ ༢༠ ལྷག་གི་འགྲོ་གྲོན་བཏང་སྟེ་ས་ཁྱོན་ཧྥི་ཊི་གྲུ་བཞི་མ་ ༢༠༠༠ ལྷག་རྒྱ་སྐྱེད་བཏང་ཡོད་པ་དང་། ཡང་ཕྱི་ལོ་ ༢༠༡༧ ལོར་ས་གནས་སྲིད་གཞུང་གིས་རྒྱ་སྒོར་ས་ཡ་ ༣༠༠ ཡི་འགྲོ་གྲོན་བཏང་སྟེ། ཧྥུ་ཡིན་དགོན་པ་དང་དེའི་འཁྲིས་ཀྱི་ནང་པའི་ཧི་ཧི་དགོན་པ་གཉིས་ཀྱི་གམ་དུའང་ནང་པའི་དགོན་པ་ཞིག་གསར་བཞེངས་བྱ་རྒྱུའི་གསལ་བསྒྲགས་སྤེལ་ཏེ། ས་ཁུལ་དེ་ཡུལ་སྐོར་བའི་ལྟེ་གནས་ཤིག་ཏུ་བསྒྱུར་ཐབས་བྱས་ཡོད་འདུག ཧྥུ་ཡིན་དགོན་པ་ནི་རྒྱ་ནག་གཞུང་གི་ཆོག་མཆན་ཡོད་པའི་བོད་བརྒྱུད་ནང་བསྟན་དང་རྒྱ་ནག་གི་ནང་བསྟན་ཆོས་ལུགས་གཉིས་ཀྱི་ཁྱད་ཆོས་ལྡན་པའི་དགོན་པ་ཞིག་ཡིན་པ་དང་། དགོན་པ་དེར་མཆོད་མཇལ་བ་ལོ་རེ་བཞིབ་ཇེ་མང་དུ་འགྲོ་ཡི་ཡོད་པ་དང་། དགོན་པ་དེའི་བཟོ་བཀོད་ལ་བོད་བརྒྱུད་ནང་བསྟན་གྱི་དགོན་པའི་ཁྱད་ཆོས་འབུར་དུ་ཐོན་ཞིང་། དར་ལྕོག་དང་རླུང་རྟ་སོགས་དགོན་པའི་གཡས་གཡོན་གང་སར་མཐོང་རྒྱུ་ཡོད་ཀྱང་།...

བཀའ་ཟུར་འབྲོང་ཆུང་དངོས་གྲུབ་མཆོག་ལ་རྒྱབ་སྐྱོར་བྱེད་དགོས་པའི་ཐུན་མིན་རྒྱུ་མཚན་བཅུ་གསུམ།

ཤར་ཕྱོགས་ཁུག་རྟ། གླེང་སློང་། ད་ཆ་འོས་བསྡུའི་སྒྲིག་གཞི་བསྐྱར་བཅོས་ཀྱིས་ཚོགས་སྡེ་ཁག་གིས་འོས་མི་འདོན་ལམ་བཀག་ཟིན་པས། མི་མང་མི་རེ་ངོ་རེས་ནུས་པ་རྩལ་བཏོན་གྱིས་འོས་མིའི་སྐོར་ཤེས་རྟོགས་བྱེད་དགོས་པ་ནི་གཡོལ་ཐབས་མེད་པའི་ལས་འགན་ཞིག་ཆགས་ཡོད་ལ། རྒྱུ་མཚན་ཁོ་ནར་གཞི་བཅོལ་ཏེ་འོས་བསྡུའི་ལས་རིམ་ནང་ཞུགས་ཐུབ་ཚེ། བོད་སྤྱི་ལ་ཕན་ངེས་པ་ཐེ་ཚོམ་མེད་སྟབས། གུས་པས་བཀའ་ཟུར་འབྲོང་ཆུང་དངོས་གྲུབ་མཆོག་ལ་རྒྱབ་སྐྱོར་བྱེད་དགོན་དོན་ཡང་རང་སེམས་ཁོ་ནར་མ་བཞག་པར། གཟུར་གནས་བློ་ལྡན་རྣམས་ལ་ཞུ་བར་སྤྲོ་ལ། གུས་ལ་ཡིད་ཆེས་དང་རེ་བ་བྱེད་མཁན། དེ་བཞིན་རྒྱབ་སྐྱོར་ཞུ་ས་ནོར་བར་ངོས་འཛིན་གནང་མཁན་རེ་ཟུང་ཞིག་གིས་ཀྱང་དངོས་བརྒྱུད་གང་རུང་ནས་རྒྱུ་མཚན་ཅི་ཡིན་གྱི་དྲི་བ་རེ་འགའ་འབྱོར་སོང་བས། དེ་དག་ཚང་མར་དཀྱུས་གཅིག་ཏུ་ལན་འདི་ཕུལ་བ་ཡིན།          ༡ བཀའ་ཟུར་མཆོག་ངོ་ཤེས་རིམ་དང་དེའི་རིང་གི་མྱོང་བ་ཕྱོགས་སྡོམ། བཙན་བྱོལ་དུ་ཐོག་མར་འབྱོར་ཉིན་ནས་བཀའ་ཟུར་མཆོག་བོད་ཀྱི་རྩ་དོན་དང་འབྲེལ་ཏེ་ངོ་ཤེས་པར་གྱུར། དེ་ནས་ད་བར་མི་ལོ་ ༡༨ དང་། ལྷག་པར་གཞུང་དང་མི་མང་གི་སྲི་ཞུར་ཞུགས་ཁུལ་གྱི་ལོ་ ༡༣ རིང་གངས་ཅན་སྐྱིད་གཤོངས་སུ། བོད་ཀྱི་གནས་ཚུལ་ལ་ཞབས་ཞུ་དང་སློབ་སྦྱོང་ཟུང་འབྲེལ་བྱས་རིམ་ནང་། བཀའ་ཟུར་འབྲོང་ཆུང་དངོས་གྲུབ་མཆོག་ཡིད་ཆེས་བློ་གཏད་ཆོག་པའི་དབུ་ཁྲིད་ཚད་འཕེར་ཞིག་ཏུ་རྒྱུ་མཚན་རིམ་བརྩེགས་ལ་བརྟེན་ནས་ཡིད་ཆེས་ངེས་རྙེད་ཟབ་མོ་བྱུང་བས། དེ་སྔ་ ༢༠༡༨ ནས་༸གོང་ས་མཆོག་ལྷོད་བཞུགས་ཡོང་ཆེད་དང་བོད་མི་མང་གི་ཆེད་དུ་སྐུ་ངོ་མཆོག་ ༢༠༢༡ ལོར་སྲིད་སྐྱོང་དུ་བཞེངས་དགོས་ཀྱི་འདུག་ཅེས་གསོལ་འདེབས་ནན་ཆེར་ཞུས་པ་ཡིན།         ...

ཉི་ཧོང་གི་སྲིད་བློན་གསར་པ་བདམས་འདུག

ཉི་ཧོང་དམངས་གཙོ་ཚོགས་པའི་ཚོགས་གཙོ་སྐུ་ཞབས་ཡོ་ཤི་ཧེ་དྷི་སོ་གྷ་(Yoshihide Suga)མཆོག་ཡུལ་དེའི་སྲིད་བློན་དུ་འདེམས་ཐོན་བྱུང་འདུག  དེ་རིང་ཉི་ཧོང་དམངས་གཙོ་ཚོགས་པས་བསྐྱར་དུ་འོས་བསྡུ་བྱས་ཏེ། ཉེ་སྔོན་ཡུལ་དེའི་དམངས་གཙོ་ཚོགས་པའི་དབུ་ཁྲིད་དུ་འོས་འདེམས་བྱུང་བའི་སྐུ་ཞབས་ཡོ་ཤི་ཧེ་དྷི་སོ་གྷ་(Yoshihide Suga)མཆོག་སྲིད་བློན་དུ་འདེམས་ཐོན་བྱུང་བ་ཡོངས་བསྒྲགས་གནང་འདུག ཐེངས་འདིའི་སྲིད་བློན་འོས་བསྡུའི་ཁྲོད་ཉི་ཧོང་ཕྱི་སྲིད་བློན་ཆེན་ཟུར་པ་སྐུ་ཞབས་ཧྥོ་མོ་ཀེ་ཤི་དྷ་(Fumio Kishida)ལགས་དང་། ཉི་ཧོང་བདེ་སྲུང་བློན་ཆེན་ཟུར་པ་དང་དམངས་གཙོ་ཚོགས་པའི་དྲུང་ཆེ་སྐུ་ཞབས་ཤི་གྷ་རོ་ཨ་ཤི་བྷ་(Shigeru Ishiba)ལགས་བཅས་མཉམ་ཞུགས་གནང་ཡོད་པ་དང་། ད་ལོ་ལོ་ན་ ༧༡ ཡིན་པའི་སྐུ་ཞབས་ཡོ་ཤི་ཧེ་དྷི་སོ་གྷ་མཆོག་ནི་ཉི་ཧོང་དམངས་གཙོ་ཚོགས་པའི་ཆབ་སྲིད་པ་རྒན་གྲས་ཤིག་དང་། ཁོང་ནི་སྲིད་བློ་ཨ་བྷེ་མཆོག་དང་བློ་ཐག་ཉེ་བོ་ཡོད་མཁན་ཞིག་ཡིན་འདུག སྐུ་ཞབས་ཡོ་ཤི་ཧེ་དྷི་སོ་གྷ་མཆོག་ཉི་ཧོང་གི་ཁྱིམ་ཚང་ཧ་ཅང་དཀྱུས་པ་དང་དབུལ་བོ་ཞིག་ནས་སྐྱེས་པ་དང་། མཐོ་འབྲིང་སློབ་གྲྭ་མཐར་ཕྱིན་རྗེས་ཤོག་སྒམ་བཟོ་གྲྭ་ཞིག་ཏུ་ལས་གཉེར་དང་། རྗེས་སུ་ཉི་ཧོང་གི་ཆབ་སྲིད་ཁྲོད་འཛུལ་ཞུགས་བྱས་ཏེ་རིམ་པ་བཞིན་གོ་གནས་འཕར་བ་ཞིག་ཡིན་པ་དང་། དེ་རིང་འོས་བསྡུའི་སྔོན་གྱི་གཏམ་བཤད་སྐབས་ང་རང་ཆུང་དུས་ནས་ཅི་ཡང་མེད་པ་ནས་མགོ་བརྩམས་ནས་ཡོང་མཁན་ཞིག་ཡིན། འདས་པའི་ལོ་ངོ་ ༥༠ ལྷག་གི་སྔོན་ལ་ང་རང་ཐོག་མར་གྲོང་ཁྱེར་འདིར་འབྱོར་སྐབས། ངའི་སེམས་སུ་ང་ལ་དེ་རིང་གི་ཉི་མ་འདི་ལྟ་བུ་ཞིག་ཡོད་སྣང་མ་ཤར། ང་ལྟ་བུ་མི་དཀྱུས་པ་དང་དབུལ་པོ་ཞིག་གིས་འབད་བརྩོན་བྱས་ན་ཅི་ཡང་མངོན་འགྱུུར་ཐུབ་སྐོར་སོགས་གསུངས་འདུག སྐུ་ཞབས་ཡོ་ཤི་ཧེ་དྷི་སོ་གྷ་མཆོག་ལ་ཉི་ཧོང་མི་མང་ཁྲོད་དགའ་མོས་བྱེད་མཁན་མང་པོ་ཡོད་པ་དང་། ཉེ་སྔོན་སྲིད་བློན་ཨ་བྷེ་མཆོག་གིས་རྩ་དགོངས་ཞུས་རྗེས་མི་མང་ཁྲོད་མ་འོངས་པར་སྲིད་བློན་ལ་བསྐོ་བཞག་དགོས་པའི་མི་སྣ་ཁག་ནས་ཤུགས་རྐྱེན་ཆེ་ཤོས་གྲས་ཤིག་ཡིན་པ་དང་། རྒྱལ་སྤྱིའི་སྲིད་དོན་དབྱེ་ཞིབ་པ་ཚོས་ཁོང་ཉི་ཧོང་སྲིད་བློན་དུ་བདམ་པ་ཡིན་ན། ཁོང་གི་ཕྱི་སྲིད་དང་དཔལ་འབྱོར་ལམ་ལུགས་སོགས་ཨ་བྷེ་ཡི་ལམ་ལུགས་གཞིར་བཟུང་འགྲོ་རྒྱུ་ཡིན་པ་དང་། ལྷག་པར་དུ་དཔལ་འབྱོར་ཐད་ནས་ཨ་བྷེ་མཆོག་གི་ལམ་ལུགས་དེས་ཉི་ཧོང་གི་དཔལ་འབྱོར་འཛམ་གླིང་གི་འཕེལ་ཚད་ཨང་གསུམ་པར་བསྐྱལ་ཡོད་སྐོར་བརྗོད་འདུག ད་ལྟའི་ཆར་ཉི་ཧོང་ནང་ཏོག་དབྱིབས་གཉན་རིམས་དང་སྲིད་དབང་བརྗེ་སྒྱུར་སོགས་ཀྱིས་ཆབ་སྲིད་གནས་སྟངས་རྙོག་འཛིང་ཅན་དང་མི་མང་གིས་སྲིད་གཞུང་ལ་སྐྱོན་བརྗོད་རིགས་ཡོང་བཞིན་ཡོད་པ་དང་། ལྷག་པར་དུ་ཏོག་ནད་རྐྱེན་གྱིས་ཉི་ཧོང་ནང་སྔར་བྱུང་མྱོང་མེད་པའི་དཔལ་འབྱོར་ཉམས་ཆགས་ཕྱིན་ཏེ།...